PRESS RELEASE

NO.31/2023

SIAHA, 11 Hmypi, 2023, Pachynoh - Târi 10.2.2023 pa ta Puhpa MH. Tiabi, EM i/c School Education (Middle School), MADC ta Tisôpi nata Old Tisôpi khihzy tlypa ta he khihzy liata Primary School-I, Primary School-II nata Middle School zy tly ta, khihtlâh nôpaw School Teachers nata Students zy ta aly kawpa ta ama vaw dy lymâ. 

EM heta School su liata ama peimawhpa zy mohkhei ei ta, Pachutuhpazy tawhta ama peimawhpa zy ama vaw tlôkhei.

Puhpa MH.Tiabi, EM zachhihpa he ta Studentzy hnohta pasyuna bie pha kawpa reina hnei lymâ ta, chyhsa ta hmo a y leipa hmahta hmôpapua ei ta, ama tao papua thei khiah ta cha, ‘Châbu liata aroh chiehpa cha eimâ chu hnolo khiah tala eima thai thei cheingei aw’ tahpa palôhru eima hnei awpa peimawh ta; ahy hmahta athai chiehpa y tlâ leipa pi ta, a chu chhyhpa ta athaipa sai eima châ. ‘Kei la thai thei vana, tao thai vana’ tahpa palôhru phaoh leipa ta, ‘ei thai thei, ei tao thei’ tahpa palôh phaoh chyu awpata pasyuna   bie pha kawpa a reih.

Pachutuhpazy hnohta chhao pahruana tao ta, eima râh School hmah asie thei nawpa ta raihriana kyh liata adeichhy rairie ta, achuna kyh liata hriaparaohna phapa  hnei chyu awpa ta ahawna nata pahruana tao ta, School he Studentzy ta ama tlaichhai chaipa su a châ thei nawpa ta hmah la chyu awpa ta Pachutuhpa zy hnohta â haw ei.

Puhpa MH. Tiabi, EM zachhihpa he Official lâ tawhta Puhpa Herbertson Syuhlô, AEO nata BJP Siaha District tawhta Puhpa LC. Apaw, Ex-MDC, General Secretary (GAD), Pawkhu T. Azyu, General Secretary (Org.),Thychha Chozah, Secretary, Beidaolai Syuhlô, IT & Media Incharge, Laihsa K. Beisiaki nata Chhaolô-I BJP Local Committe Leaderzy ta ama chakaochahlâ.

ISSUED BY:

Information & Publicity Department

Mara Autonomous District Council

Siaha.