PRESS RELEASE

NO.130/2023

SIAHA, 11 Thlarâh, 2023, Hriatuanoh - Atanoh dawh 1:30 Pm lha ta Mara Student’s Organisation (MSO) Theme Song “Thyu ula, Mara saw” cha Puhpa MH. Tiabi, Hon’ble EM i/c School Education (MS), MADC ta ano office chamber liata zawpi nahthlie thei awpa ta a palâhâh.

Programme he Puhpa Byhna Chozah, GS, MSO Gen. HQ ta chhihtha ta, St. Eliaba Solo, Exe. Committee Member ta pathaona thlahchhâna hnei ta, MSO Gen. HQ vyuhpa ta Puhpa T. JB. Rona, President ta biereina a hnei. Puhpa S. Beikhochhua, Secy. i/c Games & Sports ta Technical Report pie ta, Ls. Dephney Lapi, Treasurer ta hmosai piepa hlâ ta, St. NT. Beichhisa, Secy. i/c Property ta daihti khawna thlahchhâna a hnei. 

Puhpa MH. Tiabi, EM chata “He MSO Theme song he School Hawti nata Achuhaipazy châ ngâlâh dei châ leipa ta, Marasaw nata Mararâh châta hla peimawh kawpa, chipho châna liata eima sia via heih nawpa ta miah pahnosatuhpa châ ta, Marasawzy ta cha eima thai awpa nata eima sa thei cheingei awpa a châ” tah ta, “atanoh liata pahyna Programme he chynawh kaw hra sala, he tawhta chhâ a vaw y lymâ awpa châta hmo peimawh kawpa a châ” tahpa reih ta, MSO zy ta Theme Song châta amâ vaw tlypa, MADC Executive Committee ta â pykhei hapa hla he School to liata sa hluh lymâ awpa ta hmah la chyu awpa ta pasyunabie a reih.

“Thyu ula, Mara saw” Theme song he, he raohpa ta a hla MP3 nata Soundtrack zy Social Media liata upload pâpa a châ.

ISSUED BY:

Information & Publicity Department

Mara Autonomous District Council

Siaha.