PRESS RELEASE

NO.110/2023

SIAHA, 24 Thlazoh, 2023, Pobienoh - Atanoh my dawh 8:30 Am kha ta Zyhno Bei Vaih liata Private ta Middle School ama paduapa cha Puhpa MH. Tiabi, EM i/c School Education (Middle School) ta Beivaih VC nôpawzy ta amâ hawna hawhta a su tlypa ta a mohpasia.

Zyhno Bei Vaih zawpi ta dyna gate taopa ta vaw dy ei ta,  ama pasôzie palâsapa ta pawpi ri chhao, ano nata azipazy ama vaw pa-ao hleikhô ta apakyhna nata biereina pha kawpa public meering ama vaw pachhuapanoh hleikhô ta my pati amâ vaw chhuanoh pâ.

Public meeting liata Puhpa MH. Tiabi, Hon’ble EM biereina daihti piepa châ ta, ary liata palâsapa he a bierei tlâhpi viapazy a châ:-

“Zyhno ‘B’ nôpawpazy nata nama biatuhpa MDC Puhpa L. Prisila, EM i/c PWD etc. ahawna hawhta private school nama paduapa kyh vaw thei pi ta, eima nôpawpazy liata tlôkheipa a châ tawhta MADC Executive Committee bie hawhta hmah la pazi byuhpa a châ no ta atahmâ liata MADC Sub HQ: Tipa upgrade awpa kyh vâta Commission official-zy ta Tipa lâ eima zasiena liata Zyhno ‘B’ VC nôpaw nawh ahawna hawhta atamy eima za tly pâ thei vâta aly’pa a châ kaw.”

“Nama hiapa School Permission nata Grant-in-Aid he School verify khai tawhta report zie hawhta pie awpa ta recommend theipa a châ.”

“School he eima peimawhpa hialiapa a châ. Hawtizy cha hmialâ daihti liata eima khitlâh, Awnano nata Râh chhihthatuh awpa ama châ vâta sawhkhâ chhao ta pachâ peimawh ta, hawti cha a za pi tawhta nô & paw tawhta pachuna a dao awpa châ ta, school liata chhao ama dao pazi awpa a châ: Pachuna ama dao thei nawpa ta School nama paduapa he cha maochhie lei pi ta, eimâ châ ly kawpa a châ.”

“He hawhta a châ no ta Teacherzy cha Training apuapa ama châ awpa a châ. Qualify leipazy cha Classroom chhao angia pasaipa châ vei. Siku hawtizy âkipa ta pachuna ama dao thei nawpa ta Teacherzy chhao School classroom to liata amâ daihna taihta âkipa ta ama y awpa a châ.”

“Siku hawti nawh achuna phapa ama dao thei nawpa ta nô, paw nata khihsawzy ta Siku hyutuhpazy daodopa ta nama za awpa a châ; pachuna phapa apietuhpa ama châ vâta.”

“Siku hyutuhpazy chhao za tlâh châpa ta ama y awpa a châ. Siku hawhtizy hmiakô liata atobina nata â lâna liata ama apathaih kawpa ta y awpa châ ta, ama hmiakô liata sada nata kuva zy ama pathlâ ngâkaw awpa châ vei.”

“MADC ta sôh hnei hluh ma pi, anodeikua school O zupazy a y ma, black board nata dyuchhai desk zy a y ma tahpa eima theina rakha liata eima pachâ laih awpa châ ta, pyhliezy a pha lei khiah eima theina hawhta eima repair awpa a châ.”

“Atanoh liata namâ hawna he MADC Executive liata tlôkhei aw pi ta, Khazohpa ta â ryh a tah khiatala hlaotlohna chhao nama hnei nahta ei hnabeiseih” tahpa ta School ama paduana kyh liata khitlâh nôpawzy hnoh ta a theina hawhta hmah lakhei â chhuahzie a reih.

“Puhpa C. Chehnei, Dy. Chairman chhao biereina chyupa daihti piepa châ ta, “Teacher-zy ta eima pachupa siku hawtizy cha ama standard mopâpa ta eima mohôh awpa châ ta, athai thei viapa nata athai thei lei viapa pathluapaeihna nata mopahnai mopasâh y leipa ta kyhpachâna chôta mohôh tah, eima pachu chyu awpa a châ” tah ta, nôpawzy ta khipi lâ liata English Medium School liata sôh eima hmâ ngâhna zie hawhta eima khih lia chhao ta eima hmâ ngâh khiatala hawti achuna he O su liata hmahpasiesa theipa a châ tahpa ta khokheina nata pasyunabie pha kawpa a reih.

He Middle School Bei Vaih, Zyhno he atakô April 11, 2023 liata paduapa châ ta, Student 66 (chanô 38, chapaw 28) hnei ei ta, Teacher 6 (chanô 2, chapaw 4) ama hnei ngâhai. School O ama hnei leipa vâta Community Hall ama hmâh chy.

Public Meeting hnei khai tawhta Puhpa MH. Tiabi, EM zachhihpa chata amâ tyuduana mohpasia ta, Class to tlypa ta siku hawtizy ama moh nata Roll No. zy English ta hiahri ta, siku hawtizy ta apha kawpa ta achhy thei khai ei ta, class to liata Tiamana nata Hriapasana apeinawhzie reina nata pasyuna a hnei.

Puhpa MH. Tiabi, Hon’ble EM he Puhpa T. Seido, EM i/c Youth & Sports etc., Puhpa C. Chehnei, Dy. Chairman, Puhpa Beihu Nôhro, Dy. Chief Whip, Puhpa BeiRôkhu Beitâ, I & PO, Puhpa N. Abela, RO, Vahia, Puhpa ST. Lalzarliana, CEO, Tipa, Puhpa Vabeipathai Hlychho, Surveyor, Puhpa T. Pabua, Cameraman zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.