PRESS RELEASE

NO.140/2024

SIAHA, 13 Di, 2024, Chutynoh – Atanoh my dawh 10:00 AM khata Government Middle School Amôtlâh Diamond Jubilee Celebration Programme ahmâpa châ ta, Puhpa MH. Tiabi, Hon'ble Executive Member i/c Middle School Education, MADC cha khichhai laipa (chief guest) châpa ta â hmâkhei ei.

Programme (1st Session) he Puhpa T. Laily, VCP, Amôtlâh ta chhihtha ta, Rev. B. Lalhnema, Biatuhpa Pastor ta Abeipa lâta pavaosana devotion daihti â hmâh.

Puhpa MH. Tiabi, EM chata, "Gov't Middle School, Amôtlâh Diamond Jubilee celebration programme liata khichhai laipa châ awpa ta na khokheituhpa zydua hnohta alynabie reih na ta, atanoh official lâ tawhta na kaw zituhpa zydua nata guest of honour, MSO HQ, Siaha chhihtuhpazy nata he programme avaw hlao theipa zydua hnohta zana samaw ei cha hlâ ei," a tah.

"Gov't Middle School, Amôtlâh vaw paduatuhpa zydua nata he school liata avaw hria hapa zydua nata ahriahaipa zydua hnohta zana samaw ei hlâ chyu ei," EM ta a tah.

"Hlâno daihti liata Jubilee a vaw tlô nahta la aryh leipazy aryh ei ta, ama leibâh chhao amâ ngiahthai tyh. College vaih, Siaha liata ECM KTP Golden Jubilee amâ hmâh nota, cha daihti liata cha Bank Officer rai ei hria no châ ta, kha daihti liata chyhsazy ta leibâh nâ bâhpazy y hôlô hra ei ta, he Golden Jubilee noh heta ei leibâh bu hrie khai na ta, phusâ nâ bâhpa zydua ei ngiahthai khai ha ei," EM ta a tah.

"Khazoh ngiachhiena vâta Diamond jubilee cha vaw tlô ha ei chi ta, adyryh leipazy nama y pathlei khiahta la, adyryh kawpa ta y u la, kyh apachâ rairiepa ta y chyu awpa ta ei châ haw ei," khichhai laipa ta a tah.

EM chata, "Pachutuhpazy ta siku hawtizy amâ chuna text book pachu khai ta, ama pass thei n’awpa ngâlâh châ leipa ta writing skill chhao ama pachupa cheingei awpa a byuh. MCS ama exam pazy chhao question a vaw puapa thai thlâh ha ei ta, writing skill ama hnei lei vâta ama tloh thei tyh leipa a châ," a tah.

"Pachutuhpazy ta Student zy cha bierei dâh chhao ama pachu awpa a byuh. Ama hawtita tawhta leadership training chhao pahneisa lymâ awpa a châ. Pachutuhpazy ta Student zy Leadership quality pahneisa  namâ chhuah chyu awpa a châ. Student zy value hnei peimawhzie pachu hluh awpa a byuh. Discipline peimawhzie he pachutuhpazy ta siku hawti chho hluh awpa he a peimawh ngâsâ," khichhai laipa ta a tah.

"Siku hawtizy achhuahna pahneisapa he a peimawh ngaita kaw. Achhuahna a y khiah hlaotlohna chhao a y tyh hra. Siku hawtizy achhuahna pahneisa chyu u la, ngâchhihna peimawhzie chhao nama chho tyh awpa he a peimawh ngaita kaw. Pachutuhpazy he amopâtlâh role model châ namâ  chhuah chyu awpa a byuh. Siku hawti heta pachutuhpazy ydâh, pielyudâh he ama copy tyh. Chahnaihta, pachutuhpazy smart kawpa ta atobi ta, achhyna o lia chhao zachhih kawpa ta atyuh ta, khiliah lia chhao zachhih kawpa ta atyuduah tyh awpa a châ," EM ta a tah.

H. Beiralua nata T. Beingiarili ta pahnie kawpa ta 2nd Session he ama host.

Mc. C. Zachhunga, Pensioner nata Mc. K. Hrahia, SDEO Pensioner zy ta short speech reina ama hnei.

Guest of honour Puhpa T. Chatlua, Addl. DPC SSA ta pasyunabie pha kawpa reina a hnei. Puhpa Elson Eliasa Notlia, President, MSO HQ, Siaha chhaota biereina hneipa ta achuhaipazy pasyunabie pha kawpa reina a hnei hra.

Puhpa V. Tumsanga, Board Secretary ta technical report piena a hnei.

Laihsa FC. Siteite, Mara Idol Season 7, 2024 1st runner up nata Satlia Beizawzisa Vyhtuchhô, Mara Idol Season 7, 2024 Top 10 zy ta  pahnie kawpa ta hlasapa ta zawpi ama palôhpahawh. Â mo hleikhô heta Laihsa Ruthi T. Beipawngia, Laihsa C. Bethsabi, Grace Vapawpi (Gov't M/S Amôtlâh) nata H. Naomi Byhnazi (P/S- 1 Student Amôtlâh) zy ta hlasapa ta zawpi ama palôhpahawh.

EM he Official lâ tawhta Puhpa JH. Beihnai, EO, Puhpa K. Laitha, AEO, Puhpa S. Zatha, CEO, Puhpa S. Thachha, CEO, Puhpa Hilei Lakher, CEO, Puhpa Pawsa Lava, AITO nata Puhpa K. Nehemia, Cameraman zy ta ama chakaochahlâh.

Puhpa S. Beirahnia (W/E Gov't M/S Amôtlâh) ta vote of thanks reina a hnei khai tawhta ECM Awnano hyutuhpa Machâ H. Hradyu ta thlahchhâna ta daihti pachhâsa ta, kyhchhina zâpati aly kawpa ta dôh khohpa a châ.

ISSUED BY:

Information & Publicity Department

Mara Autonomous District Council

Siaha.