PRESS RELEASE

NO. 17/2023

SIAHA, 25 Nawh, 2023, Pakhynoh – Târi 24.01.2023 to 25.01.2023 chhôhta Puhpa MH. Tiabi, Executive Member (i/c Middle School) MADC ta a bia khih Lôbô nata Chhaolô tly ta, Public meeting a hnei lymâ hra. Public meeting lia heta pasyunabie pha kawpa reina a hnei lymâ.

Puhpa MH. Tiabi, EM chata atahmâ 12th Term MADC liata a bia zawpizy ta amâ vaw tlyhpatlohpa â lyzie reih ta, Khazohpa ngiachhiena vâ deita a châzie a reih. Atahmâ term liata atlyhpatlohtuhpazy chô lâ liata nata a bia zawpizy chô lâ liata alynabie a reih.

Biatuhpa Puhpa MH. Tiabi, EM he Gov't Middle School, Chhaolô - II pachutuhpazy nata zawpizy ta School liata vaw dy ei ta, biatuhpa chata ama school O zy mopa ei ta, he liata ahriapa Puhpa C. Lianhranga, Headmaster nata a hrialâhpazy ta ama peimawhpazy biatuhpa hnohta tlôkhei ei ta, biatuhpa chhaota a pachâ peimawhzie nata a theina hawhta  hmahlakhei â chhuahzie a chho hra ei.

Puhpa Delson Notlia, National Secretary, Minority Morcha, Assam Prabhari, BJP HQ chhao pasyunabie pha kawpa reina a hnei hra.

Puhpa John Beizachhi Phuto ta pahnie kawpa ta hlasapa ta zawpi a palôhpahawh ei.

Puhpa MH. Tiabi, EM he Official lâ tawhta Puhpa S. Vabeihasa, RSO, LR&S, Department, MADC, Puhpa John VT. Hniehu, AEO (M/S), MADC, Puhpa Pawsa Lava, AITO, MADC, Puhpa John Beizachhi Phuto, Asst. Bio-digester, LAD, MADC nata Puhpa K. Nehemia, Cameraman zy ta ama chakaochahlâh.

Puhpa MH. Tiabi, EM he Party lâ tawhta  Puhpa VB. Rahnei, General Secretary, BJYM, Puhpa L. Vabeihlathie, General Secretary, IT & Media Cell, BJP, Siaha nata  Puhpa S. Beidaolai, Secretary, BJYM zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.