PRESS RELEASE

NO.107/2023

TIPA, 23 Thlazoh, 2023, Pakhynoh - Tipa liata MADC Sub HQ office upgrade awpa ta Tipa khihsawzy ta MADC Executive Committee liata ama tlôkheipa cha MADC Executive Committee ta EM i/c Middle School Puhpa MH. Tiabi chhihthana ry liata Commission paduapa ta atanoh dawh 2:00 Pm kha ta MADC Sub HQ: Tipa, DAO Conference Hall liata Tipa khih vaih to liata Khitlâh nôpaw VC nata NGO leader zy chhao ta Public Interaction daihti pha kawpa ahmâpa a châ.

He daihti he Commission Member Puhpa T. Seido, EM i/c Sports & Youth Services etc. ta chhihtha ta, Kmc. N. Sacho ta pavaosana thlah a chhâ. Puhpa BeiRôkhu Beitâ, I & PO (Member Secretary) ta hmiapahnosana hnei ta, Puhpa MH. Tiabi, Commission Chairman nata MADC Dy. Chairman Puhpa C. Chehnei, Commission Member zy ta Commission vyuhpa ta biereina daihti ama hmâh. Puhpa Beihu Nôhro, Dy. Chief Whip ta daihti chhâna liata vote of thanks reih ta, Pihnô Seiza, Vice President, MCHP Sub HQ: Tipa ta a khawna thlahchhâna a hnei.

Commission Officials:

Chairman:  Puhpa MH. Tiabi, EM i/c Middle School etc.

Members:

1. Puhpa T. Seido, EM i/c Sports & Youth Services etc.

2. Puhpa C. Chehnei, Dy. Chairman

3. Puhpa BeiRôkhu Beitâ, I & PO (Member Secretary)

MADC vyuhtuapazy he Tipa DAO office tlyhmia liata Pawpi ngia kawpazy chhao ta arônah kawpa ta vaw dypa ama châ.

Atanoh Public interaction ama hneipa liata Tipa khitlâh Nôpaw nata NGO leaders zy ta MADC Tipa Office liata Department ama so chiehpazy cha pitloh viapa ta mohôh ta, officer nata staff nahzy chhao post ruapa y leipa ta pabie khai awpa ama khonazy, Department y mâh leipa - Road Transport, Social Welfare nata Youth & Sports Department zy so baichhi awpa nata office chhaichhi peimawh hropazy chhao so baichhi awpa ta ama khona zy ama reih. Commission ta he liata bie ama daopazy cha MADC Executive Committee liata report thlai ama tlôkhei aw.

Commission official-zy he atazâ Tipa liata arie aw ei ta, mylâ târi 24.8.2023 mydi ta Commission Chairman Puhpa MH. Tiabi, EM i/c Middle School ta Zyhno liata Private School thiehpa a pahy awpa lâ sie aw ei ta, nohchhô ta Tipa MADC office liata ahriapa officers & staff zy briefing ama hneikhei heih hra aw.

Vahia MADC Circle Administration Office (CAO) tawhta Puhpa N. Abela, RO nata Puhpa Vabeipathai Hlychho, Surveyor zy ta he daihti ahlao awpa ahawpa ama châna hawhta ahlao thei hra ei ta, MADC I&P Department tawhta Puhpa T. Pabua, Cameraman ta Commission Official Tour he azi hra.

ISSUED BY:

Information & Publicity Department

Mara Autonomous District Council

Siaha.