PRESS RELEASE
NO.34/2024

Puhpa M. Laikaw, Hon’ble CEM ta Phura liata Legal Awareness Programme hmâkhei

SIAHA, 15 Pamih, 2024, Chutynoh – MADC Sub Headquarters Tipa ôna chhôh liata VC Members zydua châta pachhuapanohpa “Legal Awareness Programme, 2024” cha atanoh my dawh 10:00 AM kha ta Phura MTP Hall liata hnei pathaopa châ ta, he liata Puhpa M. Laikaw, Hon’ble CEM, MADC cha khichhailaipa châpa ta programme a hmâkhei ei.

Puhpa H. Vabeikhai, ACO, District Council Court, MADC ta Programme chhihtha ta, Rev. Joseph Koma Chozah, Biatuhpa, ECM Phura Pastor bia ta devotion hmâh ta, FC. Nipari nata Iroselyne Syhly (Phura South) zy ta mopakha hlasana ama hnei.

Programme he Session sâ 2 lâta pachhaihpa châ ta, First session liata khichhailaipa ta biereina daihti hmâh ta, Second Session liata khichhai zachhihpa (Guest of Honour) Puhpa K. Vanlalliana, Executive Secretary nata Court President & Recorder, District Council Court, MADC a châ pâpa chachâpa ta biereina chyupa a hnei hra.
Chief Guest Puhpa M. Laikaw, Hon’ble CEM ta biereina chyupa daihti a hmâna liata Marapazy ta pho dâh sianôpa eima hneipa “The Mara Customary Law 2023” hmâpa ta Mararâh liata Village Council zydua hmialâ daihti sie lymâ nawpa liata adona nata ngâchhihna hnei lymâna chô ta zawpi châta ryureina dopa nata siapa siekhei lymâ awpa ta pasyuna bie pha kawpa reih ta, he hawhta hmialâ daihti sie lymâ nawpa liata Central sawhkhâ thatlôna siepahliepa ta eima râh châ taihta policy phapa a taopa zydua he phahnaikhei lymâ awpa ta khokheina nata pasyuna bie chhao a reih.

Mara pho dâh apachuna kyh liata First Session liata Puhpa Derick Salai Solo ta Key Note address nata The Mara Customary Law, 2023 Paper Presentation daihti hmâh ta, Second Session liata Puhpa FC. Khihnia, Advocate ta the MADC (Public Health & Sanitation) Rules, 2012 with Special reference to the functions, duties & responsibilities of village Council/Courts under the said Rules nata The Lakher Autonomous District Council (Administration of Justice) Rules, 1981 – with Special reference to the powers & functions of Village Council/Court under the said Rules hmâpa ta Paper Presentation a pie hra.

He Legal Awareness Programme, 2024 he District Council Court, Mara Autonomous District Council ta a pachhuapanohpa a châ.

ISSUED BY:
Information & Publicity Department
Mara Autonomous District Council
Siaha.