PRESS RELEASE

No.61/2024

SIAHA, 21 Thlazoh, 2024, Pakhynoh - Atanoh dawh 2:00 PM kha ta Puhpa M. Laikaw, Hon’ble CEM, MADC ta MADC CEM’s official chamber liata Mizoram Journalist Association (MJA), Siaha District, Siaha member zy thopi dokheina hneipa ta apakyhna a hnei.

He daihti liata Puhpa M. Laikaw, Hon’ble CEM chata a tliata liata New Delhi, Shillong nata Aizawl a tlynazy report pie ta, Centre nata State sawhkhâ â daohna nata hmahlazy chhao MJA Siaha member-zy hnoh ta reina tlâhpipa a hnei. He khai tawhta huhieh kawpa ta hiahrina nata achhyna ta daihti hmâ pazipa a châ. 

CEM zachhihpa chata, atanoh liata MJA member avaw hlao theipa zydua hnoh ta alynabie reih ta, MJA zy cha zawpi nata sawhkhâ likawh liata chhaichhi peimawh kawpa ama châ tah ta, hrialâh phapa châ pazao lymâ awpa ta pahruana nata ahawna chhao a tao hra.

Puhpa M. Laikaw, CEM zachhihpa chata ano nata a hrialâpazy siekhei haipa 12th Term MADC liata Administration kyh liata biereina chyuhpa daihti hmâh pazi ta, sawhkhâ rai he a pha kawpa ta hriapa a châ thei nawpa ta MADC office chhôh liata raihriapazy mopazina hnei lymâpa châ ta, parina chô ta office kiahpazy cha Heads of Departments zy ta Executive Secretary lâ report-pa ta, eima râh hmiahaopa pari theipa ama tao khao lei nawpa ta hmah eima la ngâhai tahpa a reih.

Atanoh liata MJA Siaha tawhta Puhpa CZ. Hluna, President, Puhpa Jeffrey Khara, Vice President, Puhpa V. Pawhla, Treasurer, Puhpa M. Baithai, Member, Puhpa Lalramnghaka Chinzah, Member nata Laihsa Evelyn Chozah, Member zy ahlao thei ei ta, MADC official tawhta Puhpa Beirôkhu Beitâ, I&PO, Puhpa John M. Beilaisei, PS to CEM, Puhpa Pawsa Lava, AITO, Puhpa Martin L. Hlychho, Cameraman zy ta CEM he ama chakaochahlâh.

ISSUED BY:

Information & Publicity Department

Mara Autonomous District Council

Siaha