PRESS RELEASE

NO.105/2024

AIZAWL, 8 Phiapi, 2024, Chutynoh - Târi 5 Phiapi, 2024 pa ta Land Revenue & Settlement Department, Government of Mizoram ta Mizoram liata Autonomous District Council (ADC) sâthôhzy châta Meeting-cum-Sensitization Workshop (DILRMP, SASCI and SVAMITVA) cha Aizawl liata pachhuapanoh ta, he liata MADC liata Land Revenue & Settlement (LR & S) Department mohôtuhpa Puhpa M. Laikaw, Hon’ble CEM, Mara Autonomous District Council (MADC) nata MADC LR & S Department official zy amâ hlao. 

He meeting liata ADC nata State sawhkhâ zy ta Central Scheme nata digitisation liata hriakhoh awpata a paryh pâpa a châ hra.

He Meeting-cum-Sensitization Workshop hnei khai tawhta CEM zachhihpa he ta Mararâh châta Aizawl liata Mizoram sawhkhâ a daoh pazao ta, târi 7.11.2024 pa ta Governor Haribabu Kambhampati cha Raj Bhavan liata a hmôpa ta, MADC rairuna nano nanopa nata MADC ta Bill a passed pa thokhazy atanoh taihta patawpa a châpazy a tlôkhei. Governor ta thlai ta pasia awpata bie â taih hleikhôta ADC sâthôhzy rairuna pathlâ awpata meeting thlai a aw awpazie a reih.

Puhpa Kenneth Chawngliana, Planning Board Vice Chairman, Government chhao a office liata chareipa ta, MADC project nano nanopa nata Agriculture sector liata hmahla nawpa dâh zy reikheipa a châ.

Pihnô Lalrinpuii, Minister (Health, Social Welfare and Tribal Affairs, Women and Child Development, and Tourism) chhao ahmôpa ta MADC châta peimawhpazy a tlôkhei.

Chief Minister Puhpa Lalduhoma chhao a hmôpa châ ta, Siaha District ta rairuna amâ tyhpazy nata MADC Education Department rairuna zy, Myanmar issue zy ama rei pahmaoh. Chief Minister heta rairuna zy pathlâkhei awpata bie â taih.

Puhpa M. Laikaw, Hon’ble CEM he St. Delson Notlia, MDC ta a chakaochahlâ.

ISSUED BY:

Information & Publicity Department

Mara Autonomous District Council

Siaha.