PRESS RELEASE

NO.106/2024

SIAHA, 12 Phiapi, 2024, Hriaheinoh - Atanoh my dawh 10:00 AM tawhta pathaopa MADC ry liata Works Department zy ta kô khophie chhôh ta sôh ama hmô chiehpa tawhta ama hmâna nata Achievement Report cha MADC Golden Jubilee Hall liata hneipa châ ta, Puhpa M. Laikaw, Hon’ble CEM, MADC cha khichhai laipa châpa ta programme a hmâkhei.

He noh kha chhôh châta taopa programme he Puhpa K. Vanlalliana, Executive Secretary, MADC chhihthana ry liata hneipa châ ta, daihti pathaona liata Puhpa C. Chehnei, Dy. Chairman, MADC ta pavaosana a hnei khai tawhta atanoh liata khichhai laipa Puhpa M. Laikaw, Hon’ble CEM tawhta biereina nathliepa a châ.

CEM zachhihpa cha ta, “Kô 2023-2024 liata Annual Report hneipa châ ta, takô deikua Half Yearly Report hnei awpa ta atanoh liata programme taopa a châ, he he tah â chhuahpa cha Department nano nanopazy hmahlana apahnokhei tah, eima râh châta hmahsie via nawpa hnabeiseihpa ta pachhuapanohpa a châ. Department to ta Road map hnei chyu pi ta, cha hawhta hmah eima la hnei thei ma tahpa eimâ mo pakia nawpa a châ.”

“Kô 2024-2025 Budget Estimate liata Department to liata aphahlana nata ado âh kaw leipazy padona he kô 2025-2026 Budget Estimate liata padona eima tao thei nawpa ta Winter Session 2024 hnei khai tawhta apatoh kawpa ta mopazi eimâ chhuahpa a châ” tahpa reih ta, CEM zachhihpa chata “Zawpi lâta Achievement pahmô thei awpa ta sawhkhâ kô chhâna liata a bu papua awpa eimâ chhuah awpa a châ” tah ta, atanoh liata Achievement Report programme he hriaparaohna phapa eima hnei via lymâ thei nawpa lâpi pha kawpa a châ tah ta, ahlaopa zydua hnoh ta pasyuna bie nata khokheina bie pha kawpa a reih.

Atanoh programme lia he ta MADC ry liata Works Department, ary liata palâsapazy ta achievemwnt report ama pie chyu: - 

1. Agriculture & Farmers Welfare Department

2. Environment & Forests Department

3. Public Works Department

4. Public Health Engineering Department

5. Soil & Water Conservation Department

6. Sericulture Department

7. Industries Department

8. Local Administration Department

9. Fisheries Department

10. Rural Development Department

11. Social Welfare Department

12. Sports & Youth Services Department

13. Transport Department

14. School Education Department (Primary School)

15. School Education Department (Middle School)

16. AH & Vety. Department

17. Art & Culture Department

He daihti liata MADC nôpawpazy tawhta khichhai laipa Puhpa M. Laikaw, CEM hleikhô ta Puhpa S. Lalremthanga, Dy. CEM, Puhpa C. Chehnei, Dy. Chairman, Puhpa Tiahlei Syuhlô, EM i/c E & F, Puhpa J. Vabeikiasa, EM i/c Agri. etc. zy a hlao thei hra ei ta, MADC ry liata Group ‘B’ officer tawhta a chô lâ zydua ahlao awpa tahpa a châna hawhta amâ hlao pha kawpa ta pahnopa a châ.

MADC he ta sawhkhâ kô reizie (i.e. April 2024 - March 2025), kô 1 chhôh liata ei 4 ta apachhaihpa ta sôh hmô tyh ta, atahmâ liata report he 1st Quarter (April, May & June) nata 2nd Quarter (July, August & September) chhôh ta sôh hmô chiehpa tawhta hmâna nata Achievement Report a châ. 

Daihti chhâna liata Puhpa K. Vanlalliana, Executive Secretary nata Puhpa M. Laikaw, Hon’ble CEM zy ta alynabie reina hnei ei ta, Zisu thlahchhâ pachupa reiparaohpa ta programme he pachhâsapa a châ.

ISSUED BY:

Information & Publicity Department

Mara Autonomous District Council

Siaha