PRESS RELEASE

NO.59/2023

SIAHA, 14 Pamih, 2023, Hriaheinoh - Atamy dawh 6:30 Am kha ta Siaha Bazar Traffic 

Point liata All NGOs, MADC, ECM &CCIM Joint ta paduapa “ILP & ANTI ILLEGAL TRADE CELL” raihriama siekhei pathao bâ awpa ta Operation Genesis cha Puhpa M. Laikaw, Hon’ble CEM, MADC ta pahyna a hnei.

He daihti he Puhpa N. Solomon Beihlôtha, Chairman ta chhihtha ta, Puhpa LM. Beingalai, President, CCIM KTP HQ, Siaha ta Thlahchhâna ta daihti pavaosana a hnei.

He khai tawhna heta Puhpa M. Laikaw, CEM, MADC zachhihpa ta aly kawpa ta he Operation Genesis he zawpi zydua pahno awpa ta a pahy.

CEM zachhihpa chata beireina a hneipazi na liata “Illegal Trade doleipa vâta tlyma, sawhkhâ liata hmiapahno phapa eima hnei vâta tlyma ahy hmahta he hawhpa hmo doleipa areikhei awpa ta y khah ei suh u, eima arao ngâhaipa he paduapathi liahsa adaih ha ta, All NGOs nata Sawhkhâ (MADC) hleikhôta Awnanopa ECM nata CCIM zy ta thapi phia ha pi ta, aparaotuhpa châ tlâ lei awpa ta ahaw pi ta, aparao raruah tuhpa nama vaw y khiala dâh hawhta hriena namâ tyh ngâh hra awpa a châ aw” tahpa ta a reih.

He daihti liana he ta Puhpa K. Chhuabei, EM i/c LAD, MADC chhao ta biereina chyupa hnei hra ta "Marasaw sôdaohna a chhâ lymâ, hmo pei ngaitapa a châ. Anodeikuala, politeness he Marasaw ta eimâ hnei via awpa a byuh. Non tribals nah he polite ei ta, hmo amâ zuah thei. Atanoh tawhta he Operation avaw thao haw ta, Marasaw sôdaohna avaw peimawh via rili lymâ aw; polite kaw awpa ta ei châ haw chyu ei. Chahleikhô ta, ei Department (LAD, MADC) mohta licence doleipa avaw taopa maih vaw cancel khai awpa ta châ haw ei na ta, ama vaw check ti ta areipasipasua tlyma, ahiahpa tlyma kha ei hnohta la vaw tao tlâ lei awpa ta ei châ haw pa ei” tahpa a reih

Achhâna liata Pihnô P. Chaki, President, MCHP Gen. HQ ta biereina a hnei hra. He programme he Laisa B. Priskily ta hlasapa ta daihti hmâ khei ta, Pihnô Nana Jean Rosetti, Vice Chairman, ILP & Anti illegal Trade ta vote of thanks reipa ta he daihti he pachhâsapa a châ.

ISSUED BY:

Information & Publicity Department

Mara Autonomous District Council

Siaha.