PRESS RELEASE

NO.66/2025

SIAHA, 11 Chhiepa, 2025, Pakhynoh - Observation Function Of Green Mizoram Day - 2025, cha atamy 7:00 am ta Puhpa, Abraham Khithie, Addl., DC, Chairman chhihthana ry liata Forest Conference Hall, MADC liata hmâpa a châ. 

Chairman ta Function avawhlaopa zydua hnohta alynabie a reih. Rev.Z.Beihrohmo, Siaha Pastor Bia, Biatuhpa ta Abeipa hnohta apavaosana daihti a hmâ.

Chief Guest, Puhpa, M. Laikaw, Hon'ble CEM, MADC ta Observation Function of Green Mizoram Day Programme hlaopatloh n'awpa ta programme avawhlaopa zydua hnohta alynabie reina hneita. Chief Guest Bierei tlâhpipazy: - 

1) Fire prevention Awareness Programme siekheityhpa nata Thodaw zy vaw loh tyh pi ta, châhrasala alaichadai pazina nata a mohôh pazina liata dao eima patla tyhpa vâta a hlaotlohna hmô awpa a chyh kaw tyh.

2) Eima Râh liata Lâpi Laipa chaopa achâpa vâta Tho nata Ramaw thata raota, Chavâh liata lô aypazy thata lapa châpa heta eima Râh environment aparao ngaita. He araopazy thla n'awpa ryhraona phapa eima hnei theina awpa châta atamy liata Officers he Programme âvawhlaopa zydua ta maohphaona hnei chyu pi ta, eima thaina, sona nata taotheina zy eima Râh environment taopathina awpa liata hmâh phahnai awpa nata thapi phia chyh awpa a peimawh zie a reih. Râhsa, Pazy-Pavaw nata Hmohrohneipa pabohsana kyh liata  Râh zawpi eima hriaparaoh awpa ângiah ngaita bâ, tahpa a reih hra.

3) Eima Râh liata Forest department hmahlana Râh zawpi ta pachâ peimawhna eima hneitu leina kyh liata Zawpi lâta awareness hneihluh via awpa ângiah ngaita, tahpa ta a biereipa a pachhâsa.

Distribution of Best Combating Village Level Fire Prevention Award & Distribution of Best Media in Fire Prevention Award Report nata Lymâ raina cha Puhpa, Jimmy N Ramdina, DCF,MADC, Siaha ta chhihtha ta, Lymâ adaopazy:- 

1) Best Combating Village Level Fire Prevention Award:

1th Prize : New Laty, Rs, 50,000/-

2nd Prize: Chhaolô,  Rs, 30,000/-

3rd Prize:  Amôbyu   Rs 20,000/-

1) Best Media in Fire Prevention Award:

1th Prize: Moonlight, Rs,3,000/-

2nd Prize: Voice of Maraland, Rs,2,000/-

3rdPrize:  Tipa Express, Rs,1,000/-

He programme âhlaopazy Laihsa, J.Vahneiso ta Hlata apalôhpahawh. 

Chairman ta Zawpi programme âvawhlaopa zydua hnohta nata Refreshment pahâhkawpa a vaw sponsor tuhpa Pihnô, HC.Hepaw, Child Development Project Officer, Department of Women and Child Development, Siaha  zy hnohta alynabie reih ta, daihti pachhâsapa a châ .

ISSUED BY:

Information & Publicity Department

Mara Autonomous District Council

Siaha.