PRESS RELEASE
NO.44/2024
AIZAWL, 19 Khihpa, 2024, Chutynoh - Târi 15-19 Khihpa, 2024 chhôh ta Puhpa M. Laikaw, Hon’ble Chief Executive Member (CEM), MADC ta cha Aizawl liata eima ti nata râh châta rai peimawhpazy a hria.
Mizoram State liata Autonomous District Council sâ 3 (thôh) ypa liata CEM-zy Aizawl liata a hmôpakhyna liana Puhpa M. Laikaw, Hon’ble CEM, MADC â hlao. He Meeting liata ADC sâthôhpazy duahmo rei pahmaohpa a châ.
He Meeting khai tawhta CEM pathôhzy ta Puhpa Dr. H. Lalthlangliana, Secretary to the Government of Mizoram for District Council & Minority Affairs Department chareipa châ ta, ADC sâthôhpazy peimawhpa nata angiahpazy tlôkheipa a châ.
He ADC sâthôh chhithatuhpazy heta Mizoram liata ADC-zy angiahpa nata peimawhpazy ropa ta Puhpa Lalduhoma, Hon’ble Chief Minister of Mizoram hnohta tlôkheipa a châ.
Puhpa M. Laikaw, Hon’ble CEM, MADC heta New Delhi liata Mara Tribal Hostel sa nawpa sanction chhao DC&MA Secretary hnohta tlôkhei ta, Rs.100.00 Lakhs sanction hmô hlâ chy awpa ta hnabeiseihpa a châ.
He hleikhô ta Puhpa M. Laikaw, Hon’ble CEM, MADC ta Dr. Vanlalthlana, Hon’ble Minister i/c School Education Department nata Puhpa Lalsangliana, School Education Director – zy cha ama Office liata a hmôpa ta, MADC Area liata Samagra Teacher post rai ruapa chôchâh nata Hindi Teacher pa 4 pazy duahmo paryh awpa ta a tlôkhei.
Zâlâ dawh 5:00 Pm rachhôh ta Puhpa Pramod Boro, Hon’ble CEM, Bodoland Territorial Council (BTC) cha a tlôna Hotel Regency, Aizawl liata apakyhpa châ ta, The Constitution (125th Amendment) Bill, 2019 chôchâh rei pahmaohpa a châ.
Târi 17.07.2024 khata Puhpa M. Laikaw, Hon’ble CEM, MADC ta Aizawl liata Marasaw nôpawpazy apakyhna daihti pha kawpa Mara House, Zotlang liata hneikhei ta, he liata Pala Biatuhpa Puhpa K.Hrahmo, Hon’ble MLA nata Siaha Biatuhpa Dr. K. Beichhua, Hon’ble MLA zy amâ hlao hra. He apakyhna lia heta eima ti nata râh châta peimawhpa nata angiahpazy, saduthliena biezy rei khohpa a châ.
Târi 20th July 2024 heta India râh liata Autonomous/Territorial Council chhithatuhpa CEM zydua a hmôpakhy awpata; Sixth Schedule to the Constitution of India ry liata Autonomous/Territorial Council chhithatuhpazy cha târi 19th July 2024 ta New Delhi liata tlôpakhypa ta Sixth Schedule to the Constitution of India (125th Amendment) Bill, 2019 hlaotloh thei nawpa kyh rei pahmaoh ta, abyuhna hawhta hmahlapazi awpa ta pahruapa hawhta Puhpa M. Laikaw, CEM zachhihpa cha târi 19.07.2024, Chutynoh he ta Aizawl puasaipa ta New Delhi a pangai aw.
ISSUED BY:
Information & Publicity Department
Mara Autonomous District Council
Siaha.
