PRESS RELEASE

NO.54/2023

 

SIAHA, 7 Hmypi, 2023, Hriaheinoh - MADC CEM zachhihpa Puhpa M. Laikaw cha atahmâno he New Delhi liata châhpa ta, eima râh châta peimawh nano nanopazy tlôkheipa ta Union Ministerzy â daoh pazao lymâ.

 

Târi 3 Pamih, 2023 pa ta Union Minister of State for Minority Affairs, Government of India Puhpa John Barla ta a O liata Puhpa M. Laikaw, CEM, MADC nata Satlia Delson Notlia, BJP National Secretary, Minority Affairs zy cha thopi do hruapa ta, apakyhna pha kawpa ama hnei. 

 

Ministry of Minority Affairs ry tawhta Mararâh liata School taopathi byuhpazy tlôkhei ei ta, atheina zydua ta bao awpa ta â chhy ei. 

 

Puhpa John Barla he MADC General Election 2022 no khata  Mararâh khih nano nanopazy vaw tly ha ta, a theina zydua ta MADC sawhkhâna bao awpa â chhuah zie a reih hleikhôta, April thlâpâ liata Mararâh kaw tly heih awpa â chhuah zie a chho ei.

 

Târi 7 Pamih, 2023 pa ta Union Minister for Tribal Affairs, Government of India Puhpa Arjun Munda a official chamber Sashtri Bhavan liata apakyhna daihti pha kawpa hneikheipa châ ta, Dr. K. Beichhua, Tribal Minister a patu no ta ECM KTP Headquarters ta ama hiapa Multipurpose Centre Project chhao reikhei ei ta, achatliena lâta avaw mopathi awpa nata documents peimawhpa zydua pangia hei awpata â hawna hawhta, pangia pathi khaipa a châ.

 

Târi 4 Pamih, 2023 pa khata CEM zachhihpa Puhpa M. Laikaw ta Mara Students Organisation, Joint Headquarters, Delhi châta pati nie pahmaona achhuanohpa ta, Mara Students zy nata apakyhna daihti pha kawpa ama hnei hleikhô ta, Delhi su liata MADC ta râh ama chaleipa liata Mara Tribal Hostel sa nawpa chôchâh chhao reihpahmaopa a châ. 

 

Eima râh paduapathi nawpa chôchâ liata Mara Students zy ta pahruana nano nanopa CEM hnota ama tlôkheipazy cha, CEM ta â vaw laichadai pazi lymâ awpa zie a chho ei.

 

CEM zachhihpa Puhpa M. Laikaw he atazâ lâ liata Puhpa Kiren Rijiju, Union Minister for Law & Justice, Government of India cha a pahrâna O liata apakyhna daihti ama hnei aw. 

 

CEM zachhihpa he Lyuva Khutla 2023 alyna y awpa liata  Azipa a châ awpa vâta mylâ târi 8.3.2023 he New Delhi puasaipa ta, Siaha a kaw pangai aw.

 

ISSUED BY:

Information & Publicity Department

Mara Autonomous District Council, Siaha.