PRESS RELEASE

NO.54/2025

SIAHA, 12 Patô, 2025, Hriatuanoh - Puhpa M. Laikaw, Hon'ble Chief Executive Member, MADC ta Vahia khih nata Circle Administrative Office, Vahia a tly.

Programme he Puhpa L. Ralai, VCP Vahia ta chhihtha ta, Machâ J. Vabeikhai, ECM Local Church, Râhtlana, Local Secretary, Vahia ta Abeipa lâta pavaosana thlahchhâna a hnei.

Puhpa M. Laikaw, CEM chata, "12th Term tahmâ ta sawhkhâna siekhei haipa heta sawhkhâhna phapa (good governance) siekhei lymâ eimâ chhuah. Ryureina yzie hnei kawpa ta siekhei lymâ eimâ chhuah. Tipa liata Divisional Administrative Office he palai via ta upgrade awpa ta hmahlana sie hai ta, a pazipa liata Vahia liata Circle Administrative Office chhao he upgradation tao awpa ta pachhuahpanohpa châ ta, cha hleikhô ta, Chakhei liata Vahia hawhta, Circle Administrative Office soh awpa ta Executive ta a vaw pathlu," a tah.

"A byuh â ngiahna hawhta Tipa nata Vahia liata staff nata officer soh via lymâ ta post zy tao baichhi  ta  implement lymâ ta, hlaopatloh lymâ’pa eima chhuah. Tahmâ sawhkhâna eima siekhei tawh heta Khazoh ngiachhiena to lymâ pi ta, Awnanopa nata Mara zawpi thlahchhâkheina vâta hlaotlohna achievement chhao hmô awpa y lymâ ta, atliata liata Tipa liata Hydel Project pahy pi ta, MADC Golden Jubilee Hall, Siaha liata pahy pi ta, MADC kô 50 a vaw tloh tawhta Term hmiatuapa nôpaw hmiatuapazy hmahlana zawhzi ta, Lôlei lia chhaota Mara House pahypa vaw châ ta, tahmâ Delhi liata Mara House sa ngâpa châ ta, kô 2026 May thlâpâ liata pahy thei awpa ta sa ngâhaipa a châ," tahpa CEM ta a reih.

CEM chata, "Tahmâ he Central sawhkhâ khokheina zawhzi ta PMJVK Scheme ry liata lakhs sâhcharu project hlaopatlosah n’awpa ta Siaha liata Hall pha kawpa eima hnei thei n’awpa ta zy, School O sa n’awpa  zy, Kaochao liata kuraihriapazy châta Cold Storage paso awpa zy, Tôkalô liata Iamai charieh n’awpa châta zy SASCI tawhta Lakhs zathôh sychaki nata sâthôh hmô hapa châ ta, Aizawl liata student hostel amâ tlôh leipa vâta sâkha hia via heih pi ta, rei leipa liata hlaotlohna eima hmô nahta eima hnabeiseih," a tah.

"Rei leipata liata Siaha Tlâhpi kiapâh ta liata Forest Department hmahlana zawhzi ta Park pahy thei awpa y ta aly’pa  a châ hmeiseih. Sawhkhâ phapa Good governance tahpa he adona justice pachâ peimawhpa he a châ. MADC staff paripangapa drugs taopa chance pie pi ta, a pathlei khoh vei khiah action eima la lymâ aw," CEM ta a tah.

CEM chata, Vahia liata Circle Administrative Office chhao tly ta, pasyuna bie pha kawpa Officer nata Staff zy hnohta reih ta, Office kiapha peimawhzie nata suhrawh sukha pie peimawhzie chhao a reih pâ hra.

Puhpa K. Chhuabei, EM i/c LAD, etc, nata Puhpa T. Seido, EM i/c Sports, etc, chhaota pasyuna bie pha kawpa reina ama hnei hra.

J. Vahneisô, Mara Idol Season – 7, 2024 Top 10 nata Pensy zy ta pahnie kawpa ta hlasapa ta zawpi ama palôhpahawh.

RMSA Secondary School, Vahia Students zy ta MTP lâ angia kawpa ta ama lâh.

Puhpa N. Abela, Revenue Officer, CAO, Vahia chhao bie reina a hnei hra. BJP Mandal Office, Tipa liata thopi nata viahchhâ chhaota miah ydy ei ta, aly kawpa ta doh khohpa a châ.

Machâ H. Thlihra, Awnano Hyutuhpa, ECM Local Church, Vahia ta thlahchhâna ta daihti a pachhasa.

Puhpa M. Laikaw, Hon'ble CEM, MADC he Puhpa K. Chhuabei, EM i/c LAD, etc, Puhpa L. Prisila, EM i/c PWD, etc, Puhpa Tiahlei Syuhlo, EM i/c E&F, etc, Puhpa T. Seido, EM i/c Sports, etc, Puhpa Beihu Nôhro, Deputy Chief Whip, MADC, Puhpa Pawsa Lava, AITO, MADC, Party lâ tawhta Puhpa LC. Apaw, Ex-MDC, General Secretary, BJP District Headquarters, Siaha, Puhpa B. Luaha, Ex-MDC & Secretary, BJP District Head Quarters, Siaha, Puhpa NT. Thatlua, Ex-MDC & President, Minority Morcha nata Norman V. Edom, Convener, IT & Media, BJP District Headquarters, Siaha, Puhpa Lalnunfela NK, PSO nata Puhpa K. Nehemia, Cameraman, MADC zy ta ama chakaochahlâh.

ISSUED BY:-

Information & Publicity Department

Mara Autonomous District Council

Siaha.