PRESS RELEASE

NO.65/2025

SIAHA, 31 Patô, 2025, Pachynoh - Atamy dawh 8:20 AM khata Puhpa M. Laikaw, Hon’ble Chief Executive Member (CEM), MADC, Puhpa N. Zakhai, Adviser to CEM, MADC nata Puhpa K. Vanlalliana, Executive Secretary, MADC zy ta Siaha khichhôh liata Leichona suzy tlypa ta mohpasiana ama hnei.

Puhpa M. Laikaw, Hon'ble CEM, MADC nata ahrialâhpazy ta Siaha khichhôh liata Leichona su  ama tlypa nata ama mohpasiapa zy cha:-

Siaha Bazar tawhta Meisatlâh pangaina lâthlôh Siaha Joint VC zy ta retaining wall ama taopa nata achheipâh chopa, atahmâ duasu liata cha khâpa Motor hmahta siepahlie thei mâh vei.

New Siaha AR Road tawhta Siahatlâh pangaina Electric vaih One-Stop Centre khô ta liata Culvert ama tao thiehpa lâthlôh laikachha cho ta, JCB ta a clear ngâpa a châ.

Siahatlâh tawhta Bualpui Road, Pihnô Na-i O tlôhlâ, lâthlôh laikachha a cho vâta, lâthlôh laikathi lâ khâpa Motor hmâhta siepahlie thei mâh vei.

Siaha College vaih, Laila Hall pangaina lâthlôh laikachha chopa.

New Colony - 1, Siaha near Foxall School tawhta Meisatlâh pangaina lâthlôh chopa.

Siaha Bazar near Puhpa Zakhu Hlychho (L) O kiapâh chopa.

I & PR Office, Council vaih, Siaha kiapâh nata Multipurpose Hall, Council vaih, Siaha kiapâh chopa.

Puhpa M. Laikaw, Hon'ble CEM, MADC nata ahrialâhpazy nata Siaha DC liata hriapazy hriaparaohpa ta he leichona suzy he Silpaulin ta khu awpa ta nata Motor siepahlie theileina lâthlôh zy he motor siepahlie thei awpa ta hmah lapazi pa a châ hra.

Puhpa, M.Laikaw, Hon'ble CEM, MADC ta atahmâ Siaha Khihpi duasu liata cha Zawpizy thlazoh kaw n'awpa y hraolei ta, he no na heta eima O chheipâh nata O eima sa ngâpazy deikua chahlô cha-ei  pahnie ta, tihrykyh nata leicho thei awpa duasu liata a ypazy châta Silpaulin ta apha kawpa ta khu awpa â ngiah zie a reih. Chhiena a tlô theipa tawhta eimâ vaw boh theina awpa ta Vaihto VC nata Zawpizy chhao ahrohrua chyu awpa ta â haw hra.

CEM he Official lâ tawhta Puhpa A. Viahra, SE, PWD, MADC, Puhpa C. Rahre, AE, PWD, MADC, Puhpa LM. Beingalai, I&PO, MADC, Puhpa Pawsa Lava, AITO, MADC, Puhpa T. Pabua, Cameraman nata Puhpa K. Nehemia, Cameraman MADC zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.