PRESS RELEASE

NO.72/2023

SIAHA, 12 Patô, 2023, Chutynoh - Atanoh dawh 1 :00 PM pa ta Forest Hall, MADC, Siaha liata Sports & Youth Services Department, MADC pachhuahpanohpa Football Jersey palâhâhna nata raina programme 2023 liata Puhpa M. Laikaw, Hon'ble Chief Executive Member, MADC cha khichhai laipa (chief guest) châpa ta â hmâkhei ei.

Programme he Puhpa JH. Beihnai, Sports & Youth Officer, MADC ta chhihtha ta, Puhpa C. Chehnei, Dy. Chairman, MADC ta devotion â hmâh.

Football Jersey he 22 Football Clubs zy hnohta raipapuapa châ ta, chazy cha:- Chhaolô Football Club, Khôpai Football Club, Laki Football Club, Sanghe Football Club, Bymari Football Club, New Laty Football Club, Niawhtlang Football Club, Vety Vaih Football Club, Chapi Football Club, Siahatlâh Football Club, Meisatlâh Football Club, Ferry Football Club, Miepu Football Club, Council Vaih Football Club, New Colony Football Club, Kaopi Football Club, Siasi Football Club, Siatlai Football Club, New Land Football Club, Theiva Football Club, Lôbô Football Club nata College Vaih Football Club zy  ama châ.

Puhpa John Beizachhi Phuto ta pahnie kawpa ta hlasapa ta zawpi a palôhpahawh ei.

Puhpa M. Laikaw, CEM, MADC chata atanoh programme liata pasyunabie pha kawpa reina hnei ta. Tahmâ thyutliazy daihti liata paritheipa thata angia ta, Sports hmâpa ta paritheipa he adyuh ta, chahleikhôta, Maraland Anti Drugs Committee chhao avaw duah ta, hriaparaohna phapa hneipa ta eimâ dyuh lymâ awpa a châ, a tah.

"Football Clubs 22 avaw duah thei ei chi ta aly'pa a châ hmeiseih. He 22 Football Clubs hmâpa ta thyutliapazy paritheipa ama tao lei n'awpa ta, nama viasazy Sports ama pahâh thei n'awpa ta, hmah nama la chyu awpa ta ei châ haw ei," CEM ta a tah.

"Sports EM sia kawpa hnei pi ta eimâ ly hmeiseih. Ano ta thyutliapazy châta thata hmah vaw la lymâ aw ta, keimo ta a tha vaw patlô lymâ aw pi ta, eima vaw baokhâ lymâ aw," tahpa CEM ta a reih.

"CEM chata Football Clubs 22 zy ei chi heta nama viasazy paritheipa sei liata amâ tâh lei n'awpa ta, tiama papuapa ta nama viasazy Sports lâ liata ama vaw pahâh thei n'awpa ta nama hrua lymâ awpa ta ei châ haw chanei ei, a tah.

"MADC liata Computer achuna a y thei n'awpa ta hmahla ngâ kawpa châ ta, Information Technology (IT) hmah pasiesa via lymâ eimâ chhuah," CEM ta a reih.

CEM chata thyutliazy hnohta, nâmo thyutliazy ei chi he, chi nah pho palyupalihtuhpa nata hmah pasiesatuhpa châ ei chi ta, international level lia taihta alâluah thei awpa ta, tiama papuapa ta hmahla lymâ awpa ta a pasyu ei.

"Thyutliapazy châta Sports promotion kyh liata eima theina rakha liata hmahla via lymâ eimâ chhuah. Thyutliazy ei chi ta nama talent nama papôhsa via lymâ awpa ta ei châ haw ei," CEM ta a reih.

CEM chata eima laihsa nahzy chi hro pho hropazy ta miah ama hneipa (chhu) lei n'awpa ta Mara thyutliazy paritheipa namâ râsai para awpa a byuh tahpa ta atanoh thyutlia avypazy hnohta ahawna, a tao.

Puhpa T. Seido, EM i/c Sports, MADC chhaota thyutliapazy hnohta pasyunabie pha kawpa reina a hnei hra.

Puhpa VT. Martin Vabeiduakhei, ASPO, MADC ta vote of thanks reina a hnei khai tawhta Abeipa thlahchhâna reihparaohpa ta daihti pachhâsapa a châ.

ISSUED BY:

Information & Publicity Department

Mara Autonomous District Council

Siaha.