PRESS RELEASE

NO.2/2024

SIAHA, 8 Nawh, 2024, Hriatuanoh - Assam Rifles Official-zy pachhuahpanohpa ta Puhpa M. Laikaw, Hon’ble Chief Executive Member (CEM), MADC nata Brigadier Girish Upadhyay, SM, VSM, Commander HQ, 23 Sector Assam Rifles - zy cha atanoh my dawh 9:00 AM rachhôh ta Tourist Lodge, Siaha liata daihti phapa nata huhieh ngaitapa hmâpa ta eima râh châta hmo peimawhpazy reisie khohpa a châ.

Eima râh châta bie peimawhpa ama pachia tlâhpi viapazy cha:-

1. Atahmâhlâ Myanmar Civil War vâta eima rairuna kyhzy reipa châ ta, abohna tluapa ta eima râh azâchhaipazy nata rairuna hropazy pathlâpazina kyh liata hriaparaoh lymâ awpa ta paryhsapa a châ.

2. Paritheipa, aviapachaipa ta Drugs adyuhna kyh liata thatlô viapa ta hriakhoh awpa ta paryhsapa a châ.

3. Mara Thyutliapazy ta Pheisaih amâ ngia hluh via thei n’awpa ta pahno byuhpa nata rairunazy liata abyuhna hawhta hmahlakhei awpa ta paryhsapa a châ.

4. Marapazy châta Educational Tour Programme hmahlakhei awpa ta paryhsapa a châ.

5. Mara Cultural Festival or Cultural Meet chôchâh reipa châ ta, abyuhna hawhta hmahla ta, abaokhâ awpa ta paryhsapa a châ.

Puhpa Brig. Girish Upadhyay, SM, VSM, Commander HQ, 23 Sector heta Memento pha ngaitapa hlâ ta, Puhpa. M. Laikaw, Hon’ble Chief Executive Member, MADC chhao ta Mara Poh pha ngaita pa a hlâ hra. Chatanachata Assam Rifles Official-zy pachhuahpanohpa ta My Pati pahâh ngaitapa dôhkhohpa a châ. 

Brig. Girish he Col. Jaswinder Singh SM, Commandant 20 Assam Rifles, Lunglei, Major Raj Kishor SM nata ama hrialâhpazy ta chakaochahlâh ei ta, Puhpa M. Laikaw Hon’ble Chief Executive Member, MADC he Puhpa Syuhlo Beichakhei Mara, OSD, MADC ta a chakaochahlâh hra.

ISSUED BY:

Information & Publicity Department

Mara Autonomous District Council

Siaha.