PRESS RELEASE

NO.25/2024

SIAHA, 01 PAMIH, 2024, Chutynoh – Atanoh dawh 11:00 AM pata Siaha Tlyliah (District Playground) liata Chapchar Kut 2024 â hmâhpa châ ta Puhpa M. Laikaw, Hon'ble Chief Executive Member, Mara Autonomous District Council cha Azipa (Kut Pa) châpa ta â hmâhkhei ei.

Puhpa Lalhmunsanga Hnamte, DC, Siaha cha Ku patlôsatuhpa (Kut Thlengtu) châpa ta â hmâkhei hra ei. Rev. Lalchhuankima, Baptist Pastor ta Abeipa lâta pavaosana devotion daihti â hmâh.

Puhpa M. Laikaw, CEM, MADC chata, "Atanoh Chapchar Kut Programme â hmâna liata khohkheina topa ta Azipa cha awpa ta na khohkheituhpa Chapchar kut organising committee chô liata alynabie ei reih," tahpa ta a reih.

"Chapchar Kut he manô mapaw daihti liata cha lyu rao hlâta, ama daihti ruapa liata â hmâh tyh ei ta, manô mapaw daihti liata ku raihriapa ta nie a tlua ei ta, ama tiama ngaita kaw. Ama hriapasana nata ngâchhihna hro ama hneipa he reithai tlâh cha kaw ei ta, pasâsa ama chhih hmeiseih," tahpa ta Azipa ta a reih.

"Atahma deikua cha raihriaholeipa nata thathi kawpa ta ypazy, paritheipa sei liata a tahpazy ama hlu ngaita kaw. Hmopha leipa pathlei ta, siesai awpa he a hluh ngaita kaw," tahpa ta CEM ta a reih.

"Khizaw liata a kheihawpa chi-pho rai chi hawhta aduapapua awpa ta cha culture nata tradition pasô ta palaiseisa ta hmâhpasiesa ta pabosa he chi-pho maophaohna a châ," tahpa ta CEM ta a reih.

"Atanoh aly kawpa ta chapchar kut eima hmâh khoh theipa zy he Abeipa lâta alynabie reih chyu su vy. Manô mapaw daihti liata ama celebrate tyhpa Chapchar Kut eima hmâh noh daihti liata khâ eima thei thla ha tyh awpa peimawh kawpa cha ama hriapasana zy, mohropa kyh pachâ viana (selfless) zy, chyhsa hropa pabua leipa ta amo ama hriapapuapa tawhta niebaw hmô ei ta, atahma khizaw hmahsie ngahaipa lia heta manô mapaw hro mopâ awpa hluhpi eima hnei, atahma cha keimo kuphei ta âduah theipa eima chyh ngaita kaw, ataopathi awpa eima hnei hluh kaw," tahpa ta Azipa ta a reih.

Azipa chata, "Pihkheipa reih a zakheipazy, Chi-pho a zakheipazy,   phodâh, phoryhpa, chi-pho hrozie (Custom, Tradition, Culture) a zakheipazy, a my hapazy he chi-pho lei (pahlei) hapazy cha ei ta, pho hmiahaopa cha ei ta, pho âpaphasaituhpa ama châ. Eima chi-pho zy a recognize (pahnokhei) rairie pata y he a peimawh ngaita kaw," tahpa ta a reih.

"Integration (âpôhkhana) he eima papeimawhsa kaw awpa âbyuh. Eima identity zy papeimawhsa ta, eima culture, tradition zy a recognize rairie pata pôhkha ta adyry kawpa ta y he a peimawh ngaita kaw. Apathluana y leipa ta kyh a pachâ rairie a chhuah ta, eima society a pha kawpa ta tao ta adyry kawpa ta y âchhuah chyu suh vy" tahpa ta CEM ta a reih.

"Tahmâ hla ta eima hmiahaopa lai chaipa cha drugs châ ta, drugs pahlei awpa ta lôraoh kawpa ta hriakhoh chyu sila, paritheipa pahlei âchhuah chyu suh vy," tahpa ta CEM ta zawpi Chapchar Kut hmâh awpa ta a vypa zydua hnohta a hawna a tao.

Puhpa M. Laikaw, CEM, MADC he Official lâ tawhta Puhpa K. Vanlalliana, Executive Secretary, MADC, Puhpa Pawsa Lava, AITO, MADC, Puhpa H. Vabeikhai, Assistant Court Officer, MADC nata Puhpa K. Nehemia, Cameraman, I&P Dept., MADC zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.