PRESS RELEASE

NO.93/2023

SIAHA, 21 Khihpa, 2023, Chutynoh - Puhpa M. Laikaw, Hon’ble CEM, MADC nata a hrialâhpazy ta târi 17.7.2023 pa ta Siaha tawhta Aizawl lâ siepa ta râh châta angiahpa nata peimawhpazy cha biehneituhpazy reikheipa ta ama tlôkhei. 

18th July, 2023 - He noh he ta Puhpa C. Lalrinsanga, Minister Agriculture, Co-operation Department etc. nahta apakyhna daihti pha kawpa CEM nata a O liata ama hnei. MADC ta Co-operation Department liata rairuna â tyhpazy reipahmaopa châ ta, thlai ta hmahlakhei awpa ta Minister ta bie â taih.

19th July, 2023 - Puhpa Lalchhandama Ralte, Minister LESDE & Education chhihthana ry liata SAMAGRA chôchâh liata meeting ama hneipa liata Puhpa MH. Tiabi, EM i/c School Education (MS) nata CEM amâ hlao. Secretary, Director Joint Secretary zy chhao amâ hlao. MADC Area liata Middle School 26 zydua MADC ku liata so khai awpa ta Mizoram Sawkhâ ta hma a la aw tahpa reipa a châ.

He noh lia pyly ta MSO Joint Headquarters Aizawl zy nata apakyhna hnei ei ta, CEM ta zâpati â chhuanohpa ei.

20th July, 2023 - Puhpa M. Laikaw, CEM nata Puhpa MH. Tiabi zy ta Puhpa Zoramthanga, Chief Minister ahmô ei ta, MADC ta rairuna â tyhpa nano nanopazy tlôkheipa ta daihti pha kawpa ama hmâkhoh.

Zâlâ ta Mara Students Boys Hoste a tlypa liata Pihnô Carolyn Hlychho, LO, Puhpa Nixon P. Nôtlia, Asst. LO, Puhpa MH. Tiabi, EM nata Satlia Delson Nôtlia, National Secretary of BJP, Minority Morcha zy ta ama chakaochahlâ. Hosteller-zy ta amâ hawpa chairs 40 cha CEM zachhihpa chaleipa ei ta, baona sôh chhao a hlâ pâ. He liata Pasyuna bie pha kawpa ama reih hra.

21st July, 2023 - Puhpa M. Laikaw, CEM Puhpa MH. Tiabi, EM nata Satlia Delson Nôtlia zy ta Mizoram Governor Hari Babu Kambhampati cha Raj Bhavan liata ahmô ei ta, MADC ta hmo â ngiahpa nano nanopazy Governor he reikheipa a châ. 

Mylâ 22nd July, 2023 pa ta CEM nata a hrialâhpazy he Siaha pangaipa ta ama kaw sie aw.

ISSUED BY:

Information & Publicity Department

Mara Autonomous District Council

Siaha.