PRESS RELEASE
NO.6/2024
AIZAWL, 29 Nawh, 2024, Hriatuanoh - Atanoh kha Puhpa M. Laikaw, Hon’ble CEM, MADC nata a hrialâhpa Puhpa K. Chhuabei, EM i/c LAD etc., Puhpa T. Seido, EM i/c Sports & Youth Department etc. zy ta Puhpa Lalduhoma, Hon’ble Chief Minister (CM) cha a office chamber, Aizawl liata a hmôpa ta CM nata sawhkhâna thiehpa alykheina hnei ei ta, apakyhna daihti pha kawpa a ma hmâh.
He apakyhna daihti ama hneipa liata Puhpa M. Laikaw nata a hrialâhpazy ta ary liata palâsapazy he ama tlôkhei pâ hra:-
1. MADC ry liata MDC zy châta Order of Precedence tao hapa cha entitlement taopa a châ lei vâta taopa awpa ta amâ haw.
2. Hlao adaih leipa Additional ta Rs.420.00 Lakhs hlei hiapa a châ.
3. ECM Higher Secondary School kô vâro tlai Lumpsum Grand-in Aid ta a y hapa cha Deficit lâ hlâ awpa.
4. MADC Area liata Government Middle School 26, Mizoram sawhkhâ ry liata a ypazy cha MADC lâ hlâ awpa.
5. MADC area chhôh liata Samagra ry liata School zy cha ‘6th Scheduled to the Constiturion of India’ liata a reipa hawhta Elementary taihta MADC ku liata hlâ awpa.
6. BRTF lâthlôh ta a chapia awpa PMGSY/ MPWD lâthlôh zy cha BRTF ku liata hlâ awpa.
7. Laty tlâhpi liata Airport tao awpa ta hmah lakhei pazi awpa.
8. Mizoram sawhkhâ ry liatahpa tawhta MADC area chhôh liata rai hriapa zydua cha concerned MDC, MLA nata MADC lâ work order copy pie lymâ awpa.
9. District level Monitoring Committee ama padua ti ta eima Mararâh Civil society liata NGO lai chaipa MTP he Member liata pahlao awpa.
Laki - Vahia lâthlôh black topping taona awpa ta Rs.2,572.00 Lakhs cha A/A (Administrative Approval) hmôpa a châ vâta nata Delhi liata Mara Girls’ Hostel sa awpa cha MADC ku liata hlâpa a châ vâta Puhpa M. Laikaw, Hon’ble CEM nata a hrialâhpazy ta, he daihti liata Puhpa Lalduhoma, Hon’ble CM hnoh ta Mararâh zawpi vyuhpa ta alynabie ama reih pâ hra.
ISSUED BY:
Information & Publicity Department
Mara Autonomous District Council
Siaha.
