PRESS RELEASE

NO.20/2024

TIPA, 27 Hmypi 2024, Hriaheinoh - Atanoh dawh 11:00 AM pa ta Tipa 'B' VC Court House liata Board of Mara Literature (BML) MADC, Siaha pachhuahpanohpa Mara reih achuna su pahyna programme liata Puhpa M. Laikaw, Hon'ble Chief Executive Member, Mara Autonomous District Council (MADC) cha khichhai laipa (chief guest) châpa ta Mara reih achuna su pahyna a hnei.

Programme he Puhpa MH. Tiabi, Chairman, BML, MADC ta chhihtha ta, Machâ Neichunga, Awnano hyutuhpa, ECM Local Church, Tipa 'B' ta Abeipa lâta pavaosana devotion daihti â hmâh.

Puhpa M. Laikaw, CEM, MADC chata, "Mara reih achuna su pahy theipa a vaw châpa he aly’pa a châ hmeiseih. Hmahsiena a châ hleikhô ta Mararâh châta chapter thiehpa a châ," tahpa ta a reih.

"Tipa Beivaih lia heta Mawreih chei rai rai khah u cha tah ma pi, anodeikuacha, Mara reih achu u  la, vaw thai hra têh u eima cha tah. MADC ry lia nata MADC area chhôh liata ypa châ tlôh ta Mara reih thai leipa cha châ thai leipa ta, cha hnaihta, Mara reih nama thai awpa he a peimawh ngaita kaw," tahpa ta khichhai laipa ta a reih.

CEM chata, "Reih cha Mongyuh reih chhao, Mawreih, Foreign Language akheihawhpa rai thai a pha, anodeikua, Marapa châ pi ta, Mararâh liata y pi ta Mara reih thai leipa cha pha vei. Reih thai awpa ta cha eima cheih hluh’pa a byuh. Mara reih thai thei cheingei achhuahna palôh hneina chôta namâ chu khiah nama thai thei lei n’awpa y vei. Palôh hmeiseih pie khaina chôta thai namâ vaw chhuah chyu aw," tahpa ta a reih.

"Maraland Anti Drugs Committee paduapa châ ta NGOs, VCs nata Awnanopazy chhaota hriaparaohpa ta hmahla ngâ haipa châ ta, Mara zawpizy chhaota hriaparaohna phapa miah nama hneikhei awpa ta ei châ haw ei," tahpa ta CEM ta a reih.

Khichhai laipa chata, "Illegal trade he eima râh Mararâh liata a y awpa châ vei. Eimâ dyuh lymâ aw," tahpa ta a reih.

"Good governance (ryureina phapa) he su to liata a peimawh. Awnano lia chhao, VCs, NGOs, etc lia chhao, amohôhna akheihawhpa lia rai a peimawh. Rule of law papeimawhsa ta, âdona (justice) eima papeimawhsa chai awpa a châ," tahpa ta CEM ta a reih.

Puhpa Beihu Nôhro, Deputy Chief Whip, MADC chhaota alynabie reina nata pasyunabie pha kawpa reina a hnei hra.

Puhpa M. Chiadung, Chairman, Town Committee, MADC chhao programme azâ hlao hra.

Pihnô Patricia T. Azyu, Mara Language Promotion Officer (MLPO) ta report piena a hnei.

Puhpa John Beizachhi Phuto ta pahnie kawpa ta hlasapa ta zawpi a palôhpahawh.

Tipa 'B' liata Mara reih achuna su liata Instructor pano raopa châ ta, chazy cha:-

1. Puhpa LV. Beidavi

2. Pihnô Beirangiarili Solo.

Puhpa MH. Tiabi, Chairman, BML ta Tipa 'B' liata Mara reih achuna su liata hmâh awpa PA set a hlâ/pie pâ hra ei.

Puhpa M. Laikaw, CEM, MADC he Official lâ tawhta Puhpa Pawsa Lava, AITO, MADC, Puhpa T. Pabua, I&P Dept., MADC nata Puhpa K. Nehemia, Cameraman, I&P Dept., MADC zy ta ama chakaochahlâh.

Tipa 'B' liata VC nata Pachutuhpazy ta my pati pachhuahpanoh ei ta, aly kawpa ta dôh khohpa a châ. UPC NE1 chhaota kyhchhina pachhuahpanoh hra ei ta, aly kawpa ta dôh khohpa a cha hra.

Party lâ tawhta laihsa Caroline Chhaihlô, Vice President, Bharatiya Janata Yuva Morcha (BJYM), Siaha District ta a za zi hra.

Machâ Lalfakmawia, Chairman, UPC NE1, Tipa 'B' ta thlahchhâna ta daihti a pachhâsa.

ISSUED BY:

Information & Publicity Department

Mara Autonomous District Council 

Siaha.