PRESS RELEASE

NO.55/2025

SIATA, 13 Patô, 2025, Hriaheinoh - Atanoh my dawh 10:30 AM kha ta Puhpa M. Chiadung, Hon’ble Executive Member (EM) i/c. AH & Vety, Soil, etc. MADC, Siaha ta Siata khih liata noh 3 chhôh ô awpa “Sports Meet cum Cultural Meet”, Mara Thyutlia Py (MTP) Sub Headquarters (HQ): Chhaolô pachhuapanohpa liata Chief Guest châpa ta pahyna a hnei.

Puhpa M. Chiadung, EM zachhihpa chata biereina chyupa daihti hmâh ta, “atanoh liata Chief Guest châta nâ raotuhpa MTP Sub HQ: Chhaolô leader-zy hnoh ta alynabie reih na ta, he liata avypakhypa MTP Branch manôh zydua hnoh ta alynabie ei reih. He hawhla Sports & Cultural meet nama pachhuapanohpa he aly achhih hmeiseih ta, he meet he ta eima khih/branch chyu ahmô thai viana, adaodona, palôh ahmôthai viana zy tlôkhei sa la, ataopasuana palôh phao leipa ta unawh ahmôpakhyna hawhta pachâpa ta item nano nanopazy liata mongia kawpa ta achhâna taihta patlô awpa ta eimâ khokhei.”

“Khizaw â sosâhna hawhta achuna dei châ leipa ta sport lâ chhao apalypa-uasana hleikhô ta nietluana nata sawhkhâ rai hmôna taihta palôh nama hnei awpa a châ; eima thyutliapazy ta niedo nata pari theipa nama tao awpa châ vei; sports nama taopa he ta mopakha hnatlâna hleikhô ta khitlâh hmahsie nawpa châta nama thaina sona zy nama hmâ lymâ awpa a châ.”

“Eima Culture cheihchalo lymâ awpa he thyutliazy maophaohna a châ; hlâno mahnô mahpaw daihti liata apasôna nata hmoto liata nôhmei hârâpazy ama pachâ peimawhpa kha thyutlia sawzy my leipa ta sawchhâ nawh chhâ taihta eimâ chho awpa nata eimâ pachu pachhuah lymâ awpa a châ.”

“Paritheipa hmozy vâta eima râh thyutlia zy hro a rao ngâ hai - MTP Sub HQ: Chhaolô ôna chhôh liata ypa branch-zy pi he international border liata ypazy sai châ pi ta, hmopha leipa nata paritheipazy â ngia - a puana lâkao liata ypa eima châ; pari theopa a dyuhna kyh liata eima tiama lymâ awpa ta ahaw pi ta, eimâ pasyu hmeiseih.” 

“MTP motto my leipa ta chiehleipazy eima bao hleikhô ta parithei iahzaipazy chhao deichhy lymâ awpa ta eimâ haw hmeiseih hra” tah ta, MTP Sub HQ: Chhaolô “Sport Meet cum Cultural Meet” he a palâ kawpa ta ahmâ awpa ta khokheina bie a hlâ ei.

Programme he Puhpa Beizawzi Hlychho, President, MTP Sub HQ: Chhaolô ta chhihtha ta, Machâ CH. Hrangkha, Chairman, Local-1 UPC (NEI) Siata ta devotion hmâh ta, MTP Branch: Chhaolô zy ta thai kawpa ta Hlichhy-Hly-â lâ pamosapa ta zawpi ama palôpahawh.

Puhpa M. Chiadung, Hon’ble EM he officials - HC. Joane Mary, CVO, Beirôkhu Beitâ, I & PO, L. Lalduhkima, RO, L. Beilychhua, Dy. Ranger, Martin L. Hlychho, Cameraman zy ta ama chakaochahlâh.

ISSSUED BY:-

Information & Publicity Department

Mara Autonomous District Council

Siaha.