PRESS RELEASE

NO.82/2024

SIAHA, 28 Thlarâh, 2024, Pachynoh  – Târi 27.09.2024 to 28.09.2024 chhôhta Puhpa M. Chiadung, Executive Member (i/c Soil & Water Conservation, Animal Husbandry & Veterinary), MADC ta a bia Siata khih tly ta, Public meeting hneikhei ei ta, pasyunabie pha kawpa reina a hnei.

"Atanoh Party lâ tawhta nôpawpazy nata Official lâ tawhta Officers nata Staff zy ta na kaw zi thei ei ta, cha hleikhô ta, Siata zawpi ta vâlei a chhie thlâ bao nahta, dyna rônah kawpa taopa ta na vaw dy ei chi ta, nama zydua chô lâ liata a hmiatua ta alynabie ei reih hmeiseih," tahpa ta Puhpa M. Chiadung, EM, MADC ta a reih.

Puhpa M. Chiadung, EM, MADC chata, "Khazohpa ngiachhiena vâ nata nâmo vâ deita ta atlyhpatlohpa nata MADC liata Executive Member a châ theipa châ na ta, nama chô lâ liata ei ly hmeiseih," tahpa ta a reih.

"Siata khih liata kei hlâta châ thai viapa hluhpi y ei chi ta, cha liata kei châ thai lei chaipa he hawhpa duasu liata na soh ei chi ta, deichhy ei ngiahna maih kaw liata na deichhy ei chi ta, châ ly hmeiseih ei na ta, alynabie ei châ hlâ chanei ei," tahpa ta EM tah a reih.

"Mongyuh râh tawhta Khazohpa ta Missionary miah kaw tuapa ei ta, Khazohpa eima pahno tawhta Mararâh liata Achhyna-O a y tua chaipa hry liata Achhyna-O a sâthôh n'awpa kô 1933 liata Siata khih liata paduapa châ ta, he Siata khih liata Achhyna-O â vaw duah tua chaina su lia heta Achhyna-O padua khao leipa ta, su lialôh via lâ paduapa châ hra sala, he â vaw dua tuana su liata Lôbô a y leipa nata a ngiana châta O tatawta chhâ a y leipa he ei ngia nâ ryh thai leipa ta, kô 2007 lia khata Lôbôpa nata O tatawpa padua na ta, atahmâ cha a chy kaw hapa vâta atakô kô thaona lâ lia khata a thiehpa padua thei heihpa ta ei vaw ypa he aly kaw na ta, Khazohpa ta tlâhnazy na pie ta, a thiehpa padua thei heih awpa ta ei ypa he ei ly hmeiseih," tahpa ta biatuhpa EM ta a reih.

"Râh hmahsie awpa heta achuna (education) he peimawh kaw ta, achuna papeimawhsa ta, achuhaipazy achuna liata tiama nama papua via lymâ awpa ta ei châ haw ei," tahpa ta EM tah a reih.

Puhpa M. Chiadung, EM, MADC he a lahpinô Pihnô K. Sangi nata Puhpa CH. Nihmung (Cha-iang Paw) ta ama kaw zi hra. Puhpa M. Chiadung he Party lâ tawhta Puhpa NT. Thatlua, Ex-MDC & President, Minority Morcha, Puhpa Thychha Chozah, Secretary, BJP District Head Quarters, Siaha nata Satlia VB. Rahnei, GS, BJYM zy ta ama kaw zi thei hra.

Puhpa M. Chiadung, EM, MADC he Official lâ tawhta Puhpa Vabeikhaihmo Solo, Soil Conservation Officer (SCO), MADC, Dr. Beizakaw Vyhtu, Sr. Veterinary Officer, MADC, Puhpa Pawsa Lava, AITO, MADC, Puhpa KC. Zahe, Assistant Superintendant of Account, MADC, Puhpa V. Beiraly, LDC, MADC, P. Chatlaingia, MADC nata Satlia Ngoko Chozah, MADC zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.