PRESS RELEASE

NO.30/2023

SIAHA, 9 Hmypi, 2023, Pobienoh - Puhpa M. Chiadung, Chairman, Town Committee, MADC ta zâhnia târi 8.2.2023 nata atanoh 9.2.2023 pa ta a bia liata khih ypa - Iana nata Siata zy tlypa ta kôthiehpa anaohna a hlâ laih.

Khihsaw zawpi ta Pawpiri nata dyna gate rônah kawpa taopa ta aly kawpa ta vaw dy ei ta, ta public meeting chhao vaw pachhuahpanohpa ei ta, biereina daihti pha kawpa a hmâh.

He khi a tlyna liata a bierei tlâhpi viapazy:-

1. Bia tly thei awpa ta daihi pha kawpa apie tuhpa Khazohpa hnoh ta alynabie reih ta, bia zawpi zydua Kôthiehpa anaohna Samaw a hlâ. Kôthiehpa a vaw châ tawhta nata 12th Term sawhkhâ thiehpa â dua tawhta rairuna nano nanopa vâta a bia a tly patoh thei leina kyh liata pachâthaina â haw.

2. Khitlâh nôpaw nata zawpi avaw ydypazy hnohta alynabie reih ta, Siata liata school hawti avaw dy tuhpa nata Mara pho lâ a vaw pamosa tuhpazy hnoh ta alynabie reih ta, palyupalihna ryuchâ nata pawpi a hlâ tuhpa zydua hnoh ta alynabie a reih. 

3. Atahmâ duasu liata a padua tuhpa Khazohpa hnohta nata bia zawpi hnoh ta alynabie reih ta, châna phapa a khokheituhpa CEM zachhihpa Puhpa M. Laikaw nata a hrialâpazy hnoh ta alynabie a reih.

4. Election daihti no ta ama party chyu liata palôh ama sopa kha atahmâ cha my khaipa ta hmialâ tah nôkha pawkha saw hawhta adaodo kawpa ta ama y tyhpa hawhta y awpa ta hruana a tao.

5. “Abyuhna hawhta na chhorei, na pasopakâpa ta na advise teh u. Political Party palôh phaoh leipa ta ei office liata ahyrai na tly muh vy. Kei he Khazohpa nata zawpi vâta atlohpa ei châ vâta Party hawhta asie thaipa châ vana.”

6. “Opposition-ruling y leipa ta âraohâh kawpa ta adeichhyna rai hria aw pi ta, Good Governance ta siepa ta Nôhmei hârâpazy thlahpalôh aw. ‘Keima’ tah leipa ta ‘nâma’ tahpa ry liata sie eimâ chhuah.”

7. “MADC kô 50 a vaw sie hapa liata Siata bia tawhta office holder y thei beih lei pi ta, atahmâ MADC Golden Jubilee 50 khô lâ ta Marasawzy Ryureina sâhchaipa dyuchhai topa ta office holder châtheina byhnâ eima topa he arônah hmeiseih. He hawhta a châ no ta kei dyutlai lei chaipa Siata bia tawhta MADC office liata ahmiatua chaipa châ awpa ei tyu theipa he eima Awnanopa, eima pastor nahzy nata bia zawpizy thlahchhâ kheina vâta a châ. Ei tloh leina nata sia leina liata na chho u la, ryureina dopa ei siekhei thei nawpa ta Bia zawpi ta Khazohpa hnoh ta na hiakhei u la, thlahchhâ khâ na bao lymâ awpa ta bia zawpizy ei châ haw ei.”

Puhpa M. Chiadung, Chairman, Towm Committee zachhihpa he Pihnô K. Sangi, a lapinô nata Puhpa Beihu Nohro, Dy. Chief Whip, MADC, zy ta zi ei ta, officials tawhta Puhpa K. Beingiachhie, Sr. LAO, Puhpa Vabeikhaihmo, SCO, Puhpa Beirôkhu Beitâ, I&PO, Puhpa Zahe, AA (Finance Deptt.), Puhpa T. Pabua, Cameraman zy ta ama zi. BJP, District Headquarters, Siaha tawhta Puhpa N. Beikhai, Vice President, Puhpa Thychha Chozah, Secretary, Puhpa B. Beitua, President (Kisan Morcha) nata Puhpa AZ. Sau, Vice President (Yuva Morcha) zy ta zi ei ta, Puhpa M. Chiadung chata azi tuhpa zydua hnoh ta palôh hmeiseihpa ta alynabie a reih.

ISSUED BY:

Information & Publicity Department

Mara Autonomous District Council

Siaha.