PRESS RELEASE

NO.20/2023

SIAHA, 28 Nawh, 2023, Pachynoh - Târi 27 & 28 Nawh, 2023 chhôh ta Puhpa L. Prisila, EM i/c PWD etc., MADC ta a bia Zyhno bia liata khih ypa Siatlai nata Zyhno khihzy a tly.

Târi 27 Nawh, 2023, Chutynoh zalâ dawh 1:00PM pa ta Puhpa V. Hrialai, Vice Chairman, BJP Unit, Siatlai chhihthana ry liata Siatlai liata program pha kawpa ahmâpa a châ. O hneituhpa Puhpa C. Zawngia ta zâpati pahâh kawpa â chhuanohpa. St. MC. Beichônôchai, Secretary (GAD), Siaha District BJP ta hmiapahnosana hnei ta, Puhpa L. Prisila, EM, Puhpa Beihu Nohro, Deputy Chief Whip nata Puhpa N. Zacho, President, Siaha Mandal zy ta bia zawpi zy hnohta biereina ama hnei.

Zyhno liata Programme ahmâpa liata Village Council & BJP Unit Siatlai, Zyhno, Zyhno 'B' nata Lotai zy nata hmaohkha ta ahmâpa a châ.

Târi 28 Nawh, 2023 my 8:00 Am pa ta Puhpa VT. Sachhua, Village Council President, Zyhno chhihthana ry  liata programme ahmâpazipa châta, St. Beidaolai Syuhlo ta hmiapahnosana hnei ta, Puhpa Vahmo Hlychho nata St. MC. Beichônôchai zy ta biereina ama hnei hra. Zyhno liana he ta VC nata Puhpa St. Pâsâ ta mypati pahâh kawpa â chhuanohpa.

Puhpa L. Prisila, EM zachhihpa ta a bia a tlyna liata MADC liata sawhkhâna thiehpa a vaw pina dâh report sianô kawpa pie ta, Abeipa ryhraona ta he sawhkhâ he a pihpa châ tah ta, Centre sawhkhâ mopa ta sie lymâ hrapa he hmophapa a châzie zy nata a bia chhôh liata leilô nata râhmâhpazy cha hmâ phahnaina dâh moh awpa abyuh ziezy a reih. Bia zawpizy hnoh ta alynabie nata bietana phakawpa reina a hnei.

Puhpa L. Prisila, EM zachhihpa a bia tlyna lia he ta a lahpinô Pihnô S. Peti ta zi thei hra ta, a hrialâhpa Puhpa Beihu Nohro, Deputy Chief Whip ta zi ta, officials Puhpa C. Rahre, AE, MADC, Puhpa HT. Beihropahnie, PA to EM, PWD zy ta zi ei ta, Siaha District BJP leaders tawhta Pihnô A. Nelly, Vice President, Puhpa Vahmo Hlychho, Secretary (Organization), St. MC. Beichônôchai, Secretary (GAD), Puhpa N. Zachô, President, BJP, Siaha Mandal, Puhpa KT. Vawsa, Executive Member, Pihnô ST. Ngethlei, Mahila Member, Beidaolai Syuhlô, Member, IT & Media Cell, J. Byhnadaosa zy ta ama zi.

ISSUED BY:

Information & Publicity Department

Mara Autonomous District Council

Siaha.