PRESS RELEASE

No.121/2020

SIAHA, 11 Thlazoh, 2020 - Atamy dawh 11:00 Am liata Puhpa Laicho Nôtlia châbu paliepa, "Texas Thlavaw ry lia nâ tyh mah y" tahpa cha Puhpa K. Vanlalliana, Sr. EO & Secretary, Board of Mara Literature (BML) ta a no office chhôhpadâh liata a pâlâhâh.

He daihti he Satlia FC. Chhuasa, President, Mara Writers’ Club ta pahnie kawpa ta chhihtha ta, Rev. B. Beilua, ECM New Colony biatuhpa ta daihti pavaosana châta Hlazy hla 2:1-3 bie a tlychakapa  ta bietana chyupa nata thlahchhâna a hnei.

Puhpa S. Vabeihrongia ta châbu saichhieliena daihti pahnie kawpa ta ahmâh ta, cha khai tawhta Puhpa K. Vanlalliana, Sr. EO & Secretary, BML ta biereina nata châbu palâhâhna daihti a hmâh.

Puhpa K. Vanlalliana bierei tlâhpipazy:-

1) Atanoh liata Mara reih ta châbu reih thei awpa ta châbu miakha a vaw y chhi heihpa he ei vaw ly kaw.

2) Puhpa Laicho Nôtlia ta châbu miathôhna a roh heih theipa he aly kaw na ta, he a hmotaopa nata a châbu ropazy vâ heta a thi khô lâ liata chhao ryusôhpa a vaw châ lymâ aw.

3) Châbu reipa he pasô ei sih la, keimo deita ta eima y no heta Mara sawzy ta châbu reina châh pahnopa ta, Mara châbuzy he pasô via lymâ ei sih la kho â chhih kaw.

4) Lyuhchâpa Pawla hawhta châbu a pasôtuhpa châ chyu sih ei suh u.

5) Châbu reipa he bank liata phusâ asopa hawhta châ ta, châbu reipa he reih hluh via khiahta la athôhna, hmo pahnona ta miah abai lymâ ta, eima reih via khiahta cha pahnona thata miah â bai tyh.

Châbu palâhâh khai tawhta châbu rohtuhpa Puhpa Laicho Nôtlia ta châbu a pachhuahpanoh dâh nata alynabie reina daihti hnei ta, cha khai tawhta Bei thlahchhâna ta daihti pachhâsapa a châ.

ISSUED BY:-

Information & Public Relations Department

Mara Autonomous District Council

Siaha.