PRESS RELEASE

NO.32/2024

 

SIAHA, 11 Pamih, 2024, Hriatuanoh – Atanoh my dawh 10:30 Am kha ta MADC Golden Jubilee Hall, MADC Complex liata MADC NIELIT Study Centre Batch 2-na student-zy briefing hneikheipa châ ta, he liata Puhpa K. Vanlalliana, Executive Secretary, MADC ta pasyupalina bie reina hneipa ta daihti a hmâkhei ei.

 

Briefing Programme he Puhpa Beirôkhu Beitâ, I & PO, MADC ta chhihthapa ta pavaosana hnei ta, Puhpa Colin C. Ngohai, Course Coordinator & Information Technology Officer ta amâ chu awpa Course on Computer Concept (CCC) thâtih reina nata reipakawhna a hnei.

 

Puhpa K. Vanlalliana, Executive Secretary, MADC chata biereina chyupa a hneipa liata atanoh liata avypakhypazy ta Computer achu khohna pathipalôhru ama hneipa cha pasâhsa amâ chhih tah ta, achuna liata khopahâna â hlao leipa ta a châ khiah hlaotloh hmeiseihna y vei tah ta, Certificate hneipa ngâlâh adaih leipa ta, thai awpa a byuh tahpa reih ta, thai chakhyhpa chhao yzie y leipa ta, thai hmeiseih tah, hmâtlâh châ awpa abyuh tahpa a reih. Basic hmeiseihpa tawhta Computer he, achatlie kawpa ta achu tah, thai awpa chi châ leipa ta, palôhru hmeiseihpa piepa ta dusawta ta achu tah, thai namâ chhuah awpa a châ tah ta, hmialâ daihti liata khihsa tôhtuna, mopakha, chhôhkha nata Mararâh châta hmâtlâh châ awpa ta achu chyu awpa ta student-zy pasyunabie pha kawpa bie reih ta, student-zy cha apha kawpa ta course achu patlô chyu awpa ta khokheina bie a hlâ ei.

 

Atahmâ liata achu awpazy he MADC ry liata NIELIT Student Centre â vaw dua tawhta Batch 2 nawpa châ ei ta, mylâ târi 12.3.2024 tawhta class pathao thei awpa ta hmahlana siekheipa châ ta, Computer Classroom liata seat 30 y ta, atahmâ liata admission a vaw la tuapa tawhta student 90 select pa châ ei ta, nohkha liata dawh 1 a chu aw ei ta, student 90 liata class kiana nawpa daihti châta nohkha liata batch sâ 3 lâ ta pachhaihpachhuah heihpa a châ.

MADC NIELIT Student Centre ry liata Course on Computer Concept (CCC) asaipa (Free) ta pachupa a châ.

 

ISSUED BY:

Information & Publicity Department

Mara Autonomous District Council

Siaha.