PRESS RELEASE 

NO.51/2026

 

Siaha, târi 19 Chhiepa, 2026 (Chutyhnoh) - Atanoh Dawh 10:00 AM lia khata  MADC Golden Jubilee Hall, MADC complex liata  'Professional Ethics Training for IV Grade Under MADC' hneipa châta, Puhpa K. Vanlalliana, Executive Secretary, MADC cha Khichhai Laipa (Chief Guest) châpa ta a hmakhei.

 

Professional Ethics Training he Puhpa K. Laitha, Under Secretary , GAD cha Coordinator châpa ta daihti chhihtha ta, PS Lalthanhlira, Head Assistant, GAD ta Abeipa hnohta diahti pavaosana a hnei.

 

Khichhai Laipa Puhpa K. Vanlalliana chata raihriana su liata yzie awpa nata ydâh phapa chôchâ achu thei awpa ta pachhuahpanoh a châpa âlyzie reipa ta, "Professional ethics training pachhuahpanoh theipa a châpa he a ly kaw na ta, he a pachuna liata bie ama reipazy he my leipa ta nama raihriana lia hmâh phahnai chyu muh vy. Eima niebaw tluana, raihriana liata hrozie nôcha phapa a pachuna he pha ta ta nahthlie ula, he hleikho ta Junior via nahzy chhaota nama Senior via nah rai ama hria dâhzy mopa ta achu awpa ta cha pasyu ei nata ei châhaw ei."

 

Zâko liata training IV Grade zy ta ama phahnai kheizie reipa ta, "zâkô lâta training hneipa a châ tawhna khata Office chhôh liata nama y dâhzie nata namâ tobinazy  ta na palysa kaw ta, nama chôla liata ei ly kaw, he he ta a pâlâsapa cha; eima chhuah khiah 'moto he zachhih kawpa ta eima y thei na' tahpa he a châ."

 

"Adaihti ta liata eima hria awpa nata tao awpa eima taopa heta rairuna nata buana eimâ tyh awpa khôkhâhna pha chaipa châ ta, cha cha ta alyna miah a pie tyh. Atanoh ta pachuna phapa nama daopazy he hrokhei ta, hmâhta, nama nôchâ hrozie, ytu khihsa nata nama raihriana su chyu liata hmâh phahnai chyu awpa ta châhaw ei na ta, khokheina ei cha hlâ ei" tahpa ta Executive Secretary ta pasyuna biepha kawpa a rei.

 

Puhpa JH Beihnai, Rural Development Officer, MADC ta 'Professional Ethics' tah biepipa hmâpa ta, IV grade nahzy; Duty, Responsibilities, Discipline nata Manners chôchâ pachuna a hnei. 

 

ISSUED BY:

Information & Publicity Department,

Mara Autonomous District Council,

Siaha.