PRESS RELEASE

NO.142/2024

SIAHA, 18 Di, 2024, Pakhynoh – Atanoh my dawh 10:30 AM kha ta Puhpa K. Vanlalliana, Executive Secretary (ES), Mara Autonomous District Council (MADC) ta ano office chamber, MADC Complex liata MADC ry liata Driver nah zydua awpakhypa ta pasyupalina bie a reih.

Puhpa K. Vanlalliana, ES chata atanoh daihti he kô chhâna lâ a châ tarawpa ta Mararâh zawpi ta Christmas nata Kôthieh hmâ awpa apatohpatiana daihti a châ vâta Driver nahzy châta he daihti he a peimawh kaw tah ta, he daihti he asohsi kawna chô ta motor haoh awpa ta pasyuna bie a reih.

“He daihti he nama peimawhna a sâh kaw ta, chyhsa hrona he nâmo ku liata thata a pahnieh ta, nâmo he ta nama peimawhna namâ pahno lei pathlei aw tahpa ei chi kaw” tahpa a reih.

ES chata, pasyuna bie reina hnei pazao ta, a daihtita liata office kia awpa zy, atobina (dress) kyh zy, punctuality kyh zy nata discipline kyh zy reina hnei ta, sapa hnatlâna peinawh zie nata hrôzie nôchâ kyh lia chhao ta asohsi kaw awpa a peimawhzie reih ta, tozie phapa, palôh phaozie pha viapa, motor haoh dâh pha viapa nata reingiana kyh zy liata a pha viapa lâ pangai awpa nata MADC ry liata driver nahzy cha kô 1 liata thla 13 chhôh châta hlao a lapa ama châna hawhta puhpazy châ nata zawpi châta tiamapa nata phahnaingiah kawpa ta hria awpa ta pasyuna bie reih ta, Christmas 2024 nata Kôthiehpa 2025 zy cha alypa nata thapha kawpa ta ahmâ chyu awpa ta khokheina a hlâ ei.

He daihti he Puhpa John Kenneth Syhly, RTO ta chhihtha ta, Puhpa Beirôkhu Beitâ, I & PO, Puhpa LM. Beingalai, Asst. RTO, Puhpa Syuhlô Beichakhei Mara, US(GAD) nata Puhpa T. Pabua, Cameraman zy ta ES he ama chakaochahlâh.

ISSUED BY:

Information & Publicity Department

Mara Autonomous District Council

Siaha.