PRESS RELEASE

NO.137/2024

SIAHA, 11 Di, 2024, Pakhynoh – Atanoh my dawh 10:00 AM khata Local Administration Department (LAD) Hall, MADC, Siaha liata Puhpa K. Vanlalliana, Executive Secretary, MADC ta programme hmâkhei ei ta, pasyunabie pha kawpa nata Christmas message reina a hnei.

Programme he Pihnô S. Lalmuanpuii, Sr. LAO, MADC ta a chhihtha.

Puhpa K. Vanlalliana, ES chata, "LAD, MADC liata hriapazy he peimawh kaw ei chi ta, khichhôh pathai, etc nama ku lia y ta. Sawhkhâ rai a hriapa ta cha, a daihtita liata Office tlô ta, a daihtita liata a di ta, nama Puhpa, Pihnô, nâmo hlâta lai viapa, biehnei viapa, Head of Department (HoD) nata Officers, etc reingiahna nata zana (respect) hnei lymâna chôta rai nama hria lymâ awpa a châ," a tah.

"Sweeper hmah châ hra ula, ngâchhih kawpa nata tiama kawpa ta rai nama hria khiahta cha, Officer ngâchhih leipa hlâta za namâ chhih via," tahpa ta ES ta a reih.

ES chata, "Krismas ahnia kaw bâ pi ta, chyhsa hropa châta byhnâ châ namâ chhuah chyu awpa a châ. Social media hmâh dâh nama thai kaw awpa a byuh. Social media liata negative comment rai rai nama pie’pa châ vei. Chyhsa palôh pasasanazie ta comment pie rai rai awpa châ vei. Comment nama pie khohpa chhaota, a palyupalihna lâchhâh, a reithaina lâchhâh ta nama comment awpa a châ," a tah.

ES heta, Krismas nata kôthiehpa a pha kawpa ta ahmâh chyu awpa ta programme a vaw hlao theipa zydua hnohta khokheina a hlâ chyu ei.

ISSUED BY:

Information & Publicity Department

Mara Autonomous District Council

Siaha.