PRESS RELEASE

NO.35/2022

SIAHA, 4 Pachawh, 2022, Hriatuanoh – Atanoh dawh 2:45 PM pa ta Phura biatuhpa MDC Puhpa K. Pawhnie, Deputy Chairman, MADC ta a bia chhôh tawhta Mararâh mohphana a tlôkhei tuhpa Puhpa KL. Vabeikypacha (Beikhokhei Paw) nata a sawnahzy alykheina nata thopi dokheina ano Official Chamber liata a hnei. 

He Programme he Puhpa K. Pawhnie, Deputy Chairman ta chhihtha ta, thlahchhâna ta daihti a pathao.

Kô 33 uhtheipa Puhpa KL. Vabeikypacha nata a sawnah pano KL. Vabeikhokhei (Chapaw) kô 10 ta uhtheipa nata a sawchanô kô 9 ta uhtheipa KL. Anumi he 25th AMKA STATE KARATE CHAMPIONSHIP 2021-2022  Organised by All Mizoram Karate Association, General Headquarters, Aizawl (Affiliated with Mizoram Olympic Association (MOA) Recognised by MIZORAM STATE SPORTS COUNCIL (MSSC) liata Gold Medal nata Bronze Medal ama la. (KL. Vabeikypacha nata KL. Anumi ta Gold Medal la ei ta, KL. Vabeikhokhei ta Bronze Medal a la.)

Puhpa K. Pawhnie, Dy. Chairman ta alykhei awpa a hruapa Puhpa H. Sahlo, Chairman, MADC hnoh ta biereina chyupa hnei awpa ta hrua ta, ary liatahpazy he Puhpa H. Sahlo bierei tlâhpi viapazy a châ:-

“State Level liata Marapasaw tawhta Gold Medal nata Bronze Medal nama vaw la thei thlâh hapa he aly achhih hmeiseih ta, palôh hmeiseih ta ei châ lykhei hmeiseih ei. Sawhkhâ raihria ngâlâh he nietluana châ leipa ta, Sports tawh chhao heta tiama papua ta palôh hmeiseih ta nama tao khiata cha hlaotlohna nata nietluana taihta a châ theipa a châ.”

“Cha hnaihta, atahmâ ta lymâ nama lapa ngâlâh â daih tah leipa ta, tiama papua via lymâ ula, nietlua khi taihta Sports he hmâh phahnai namâ chhuah awpa ta ei cha pasyu khoh ei. Nâmo pawsaw pathôh vâ heta Marapasaw mo hropazy chhao âmo liata thapawhna thata vaw hnei hr'aw ei ta, ama pathipalôhrupa liata ei mara heihpa ta he hawhta Sports liata Gold Medal nata Bronze Medal a la thei khiata la, kei chhao ei la thei hra na tahpa thathyuna ama vaw hnei cheingei nahta ei hnabei a seih.”

Puhpa K. Vanlalliana, Secretary to District Council, MADC chhao he programme liata a hlao ta, alykheina nata pasyuna bie pha kawpa reina a hnei hra. 

Puhpa K. Pawhnie, Deputy Chairman ta alykheina châta Puhpa KL. Vabeikypacha nata a sawnahzy hnoh ta Rs.5,000 chyu a hlâ ei. 

Puhpa H. Sahlo, Chairman ta Rs. 3,000 chyu hlâ ei ta, Puhpa K. Vanlalliana, Secretary to District Council ta Rs.2,000 rairie a hlâ hra ei.

Chairman Puhpa K. Pawhnie ta atanoh he programme liata avaw hlaopazy hnohta alynabie reina a hnei khai tawhta Bei Zisu thlahchhâna pachupa reih pazipa ta daihti pachhâsapa a châ.

COVID-19 hriiah tawhta aboh nawpa châta Sawhkhâ tawhta biepuapa SOP & CAB zyna chôta programme he ahmâpa a châ.

ISSUED BY:

Information & Publicity Department

Mara Autonomous District Council

Siaha.