PRESS RELEASE

NO.123/2024

SIAHA, 27 Phiapi, 2024, Pakhynoh – Atanoh my dawh 11:30 AM kha ta noh 2 chhôh ta hnei awpa Siaha Zone-II ôna liata Primary School Zonal Sports cha Government High School Playground, Siaha liata Puhpa K. Machhua, Education Officer (EO) i/c Primary School (PS), Mara Autonomous District Council (MADC) ta pahyna a hnei.

He daihti liata Puhpa K. Machhua, EO chata beireina chyupa daihti hmâh ta, Abeipa china he novâhna thabypa a châ tahpa Biesozy (Khazohpa Biehrai Pathaihpa) hmâpa ta biereina hnei ta, “Nâmo chhao mylâ hânoh liata râh chhituhpa, officers nata ti nata râh moh paphatuh awpa nama châ vâta, Abeipa china chô ta kyhto liata nama tao awpa a pha” tahpa pasyuna bie pha kawpa a reih ta, Siaha Zone-II Zonal Sports cha a pha kawpa ta ama hnei thei nawpa ta khokheina hlâ ei ta, Siaha Zone-II Zonal Sports châ he ta Football, Volleyball & Net nata phusâ ta baona a hlâ pâ hra ei.

Puhpa K. Machhua, EO he official tawhta Puhpa K. Hrangkima, CEO, Puhpa R. Beilochai Khithie, Statistician and Inspector nata Puhpa Martin L. Hlychho, Cameraman zy ta ama chakaochahlâh.

Siaha Town chhôh liata Zone sâ 2 lâta pachhaihpa châ ta, Siaha Zone-II ôna chhôh liata Primary School zy ta atanoh târi 27.11.2024 nata mylâ târi 28.11.2024 chhôh ta sports item chi nano nanopazy ta ataopasuana ama hnei aw.

ISSUED BY:

Information & Publicity Department

Mara Autonomous District Council

Siaha.