PRESS RELEASE

NO.100/2023

SIAHA, 2 Thlazoh, 2023, Pakhynoh - Puhpa K. Hrahmo, Hon’ble EM i/c Land Revenue & Settlement Department etc. ta atanoh dawh 1:00 Pm pa kha ta MADC Art & Culture Department  Museum liata so awpa châta Mara kumâ Kaliah Meithei cha ano office chamber liata Pihnô Nazee Khailah, Art & Culture Promotion Officer, MADC hnoh ta a hlâ.

Puhpa K. Hrahmo, Hon’ble EM chata biereina chyupa daihti hmâh ta, “he Kaliah Meithei he kô 11 a sie hapa liata Beinô-Lôcheita motor lâthlôh ei pachhiasapa vâta Locheita khihsawzy ta alynabie reina châta na pie ei ta, Kaliah Meithei he Mara chipho châta hmo sôh kawpa a châ vâta MADC Museum liata so awpa ta atanoh ei vaw pie” tahpa a reih.

Puhpa K. Hrahmo chata “Art & Culture he Mara chi nata pho châta peimawh kaw ta, eima cheirâ-chei-o nata phothyu zy he Autonomy eima hmôna awpa liata chhaichhi peimawh kawpa  chhao a châ” tah ta, Art & Culture Department liata officer nata staff zy hriapasana liata alynabie reih ta, hlâno eima mahnô mahpaw daihti liata Mara hmo parohpazy he sawtliapazy ta ama pahno hra awpa nata ama hmô thei hra awpa ta pakhy (collect) via lymâpa ta Museum liata asoh thei lymâ sala tahpa ahawna nata pasyuna bie a reih.

Pihnô Nazee Khaila, Art & Culture Promotion Officer ta Department vyuhpa ta alynabie reina daihti hmâh ta, ano ta Art & Culture Department liata â vaw tyu tawhta hlâno Mara hmozy pakhy via laih awpa a peimawzie MADC nôpawpazy liata a tlôkheipa cha atanoh liata Puhpa K. Hrahmo, EM zachhihpa ta hlao vaw patloh ta, Kaliah taopa origin cheingei a châ vâta â ly pachai zie reih ta, Puhpa K. Hrahmo, EM zachhihpa hnoh ta Mara chipho kyhpachâpa ta pakahpaleih dei châ leipa ta hmotaopa liata a palâsapa cha reithei tlâh a châ tah ta, hmialâ a sie lymâ nawpa liata khokheina a hlâ.

He daihti liata Puhpa HC. Lalawmpuia, Asst. Art & Culture Promotion Officer chhao alynabie reina a hnei hleikhô ta ama Department hmahlana tlâhpipa report pie daihti a hmâh hra.

He ahlâna programme liata Art & Culture Department liata Officers & Staff zy amâ hlao pha hleikhô ta Information & Publicity Department tawhta Puhpa Beirôkhu Beitâ, I & PO nata a Staff zy amâ hlao thei hra.

ISSUED BY:

Information & Publicity Department

Mara Autonomous District Council

Siaha.