PRESS RELEASE

NO.78/2023

SIAHA, 05 Chhiepa, 2023, Hriatuanoh - Atanoh zâlâ dawh 1:30 PM khata Puhpa K. Chhuabei, Executive Member i/c LAD, MADC ta Forest Hall, MADC, Siaha liata Siaha Town chhôh liata VCPs, Vice VCPs nata VC Secretaries zy meeting a hneikhei ei.

Meeting he Puhpa K. Beingiachhie, Sr. LAO, MADC ta a chhihtha. 

Puhpa K. Chhuabei, EM, MADC chata "Animal Control" stick kawpa ta siekhei ta, VC zy nahta hriaparaohpa ta, VC zy ta maophaohna lapa ta tiama kawpa ta hmahla chyu awpa ta ahaw ei ta, Cha hleikhô ta, Fifteen Finance Commission sôh he a hmâna do kawpa liata hmâh ta, tiama kawpa nata he sôh hmâhpa ta vaih chhôh chyu hmahpasiesa achhuah chyu awpa ta â haw ei.

EM chata, "Siaha Town chhôh liata VC zy cha i (dog) census vaw tao chyu awpa ta ahawna tao ta, cha hleikhô ta, i (dog) khôtho lâ a papua raruahpa cha dâh hawhta hrie lymâpa ama châ aw," tahpa ta a reih.

"Zawpi lâthlôh pakhâpadipa ta osana hmobaoh zy hmo akheihawhpa rai zawpi lâthlôh pakhâpadipa ta pasopa zy, dâh za lei kawpa ta papuapalei raruahpazy cha dâh hawhta hrie lymâ awpa a châzie," EM ta a reih.

EM chata ti nata iepazôsâna âvao pathaih ta, hri-iah pathaihna châta khitlâh âvao pathaihna pha viapa Siaha Town chhôh liata vaih to VC zy ta "Side drain" nata "Public Toilet" zy pha kawpa ta mohôh ta, side drain tao byuhpa liata pha kawpa ta tao ta, pathaihna pachâ peimawh chyu awpa ta vaih to VCs zy hnohta ahawna, a tao.

EM chata waste segregation zy yzie hnei kawpa ta pathlua ta, dustbin a noeihta ta hnei ta, paper dustbin a noeih, plastic dustbin noeih, metal nata glass châta dustbin a noeih ta hnei chyu awpa  a peimawhzie a reih.

"Mylâ târi 06.06.2023 noh tawhta LAD, MADC Official lâ tawhta Siaha Town chhôh liata sahroh-awhva, a pachaipa ta i (dog) khichhôh liata a pathliepa ama y ma, zawpi lâthlôh pakhâpadipa ta hmo etc a pasopa ama y nata ylei checking ama hnei pathao awpazie," EM ta a reih.

Puhpa Henry PL Hnaihly, Sanitation Officer, LAD, MADC chhaota sanitation peimawhzie nata pasyunabie pha kawpa reina a hnei hra.

Puhpa C. Mochônô, Asst. LAO, LAD, MADC ta vote of thanks reina a hnei khai tawhta Abeipa thlahchhâna reihparaohpa ta daihti pachhâsapa a châ.

ISSUED BY:

Information & Publicity Department

Mara Autonomous District Council

Siaha.