PRESS RELEASE

NO.04/2023

SIAHA, 12 Nawh, 2023, Pobienoh - Atanoh dawh 12:00 Noon kha ta Puhpa K. Chhuabei, EM i/c LAD, MADC ta 12th Term MADC sawhkhâna liata châna hneipa ta dyuchhai khochhih kawpa nata room pha kawpa a topa vâta Khazohpa lâ alynabie reina nata pavaosana thlahchhâna daihti a pachhuapanoh.

He daihti liata ano yna Awnanopa ôna liata Biatuhpa Rev. B. Beilua cha thlahchhâpa tuh awpa ta hrua ta, ano ta Daniel 6:4 Biehrai Pathaihpa reipapuana nata reipakawhna hnei ta, Puhpa K. Chhuabei châta byhnâ awpa ta hnatlâna phapa hleikhô ta Khazohpa khozie hawhta Mararâh châta chakaona rai a hria thei nawpa ta Thlahchhâna a hnei.

Puhpa K. Chhuabei chhao ta biereina chyupa daihti hmâh ta, ahmiatua liata hnatlâna phapa ta a tobi tuhpa nata he hawhta EM châna rônah kawpa a pie tuhpa Khazohpa nata MADC nôpawpazy hnoh ta alynabie reih ta, ano mohôh awpa LAD nata PHE Department liata officers & staff zy apha kawpa ta hrialâh awpa ta hrua ta, atanoh thlahchhâna liata a vaw hlao theipa ECM Bethany liata a hrialâhpa zy, party lâ nôpawpa zy, MJA Siaha zy, MADC liata a hrialâhpa nahzy nata hrua-eihpa officer & staff zy hnoh ta alynabie a reih.

ISSUED BY:

Information & Publicity Department

Mara Autonomous District Council

Siaha.