PRESS RELEASE

NO.116/2023

SIAHA, 01 Thlarâh, 2023, Chutynoh - Atanoh dawh 11:00 AM khata District Education Office, Siaha pachhuahpanohpa District Level Science Seminar, 2023 cha Forest Hall,   MADC, Siaha liata biepipa "Millets - A Super Food or A Diet Fad" tahpa hmâpa châ ta, he Seminar Programme lia heta Puhpa K. Chhihrau, Executive Secretary, MADC cha khichhai laipa (chief guest) châpa ta â hmâkhei ei.

Seminar programme he Puhpa T. Chatlua, Addl. DPC, Samagra Shiksha ta a chhihtha. Celina Hlychho, Class X, ECM High School ta pahnie kawpa ta hlasapa ta zawpi a palôhpahawh.

Puhpa K. Chhihrau, ES chata, "eima pahno chyupa hawhta Science & Technology lâchhâh ta achuhaipa hawtizy hmahsie via lymâ n'awpa châta The Science Promotion Wing - State Council of Educational Research & Training ta Science Seminar pachhuahpanoh tyh ta, he he achuhaipa nata pachutuhpazy ta ama pachâ peimawh via lymâ awpa he a peimawh ngaita kaw. Eima District vyuhpa ta State nata National Level liata eimâ hlao thei lymâ n'awpa ta hmah ama la lymâ awpa ta ei haw hmeiseih ei, tahpa ta a reih.

"Atahmâhlâ  thâtih alâluah kawpa Chandrayaan-3 he pahno pi ta, India Scientist-zy yna ISRO hmahlana nata hriapapuapa châ ta, târi 25.08.2023 khata Thlâpâ (Moon) ama kiah thei hapa kha a châ. India cha South Pole of Moon a kiah tua chaipa a châ. Râh hropazy ta Thlâpâ lâ kiah awpa ta Billion kha hlâta hluh via ama sôh ama hmâh nota, India deikua ta la Dollar 75 Million ngâlâh ama hmâh," tahpa ta ES ta a reih.

Khichhai laipa chata, "National Council of Science Museum ta atakô 2023 Students Science Seminar châta "Millets - A super food or a Diet fad" tahpa biepipa amâ vaw tlyhpa he amâ tlyh thai tah na ta pha ei ta hmeiseih. Châ eimâ chuna lia heta lathli pha awpa he peimawh kaw ta, lathli pha awpa ta la, niebaw phapa eima nie awpa he peimawh ngaita ta, fress vegetable zy, fresh fruit zy nie hluh a peimawh ngaita kaw. Junk food zy he nie hluh lei awpa. Japan zy he niebaw liata asohsi kawpa nata niebaw papeimawhsa kawpa chipho châ ei ta, khizaw liata hroh pareih chaipa chipho ama châ."

"Achuna he kao totie liata hmahsiena châ ta, chavâta, achuna he nama pachâ peimawh via lymâ awpa ta ei châ haw ei. Nôpaw châta cha, sawzy siku kiah awpa ta o tawhta ama puapa nata siku ama bâh tawhta amâ vaw dipa mopa he nôpawzy châta la sahdô liata pawpi angia kawpa mopa hlâta  angia via ta, a mo chhao a pha via hra," tahpa ta ES tah a reih.

ES chata, atanoh student zy Science Seminar avaw hlaopazy thapha kawpa nata aly kawpa ta Seminar ahmâh chyu awpa ta khokheina hlâ chyu ei ta, Seminar patohpatiana nata peimawh ângiahna liata hmâh awpa ta sôh a hlâ pâ hra ei. 

Puhpa K. Chhihrau, Executive Secretary, MADC he Official lâ tawhta Puhpa Syuhlo Beichakhei Mara, Officer on Special Duty, MADC, Puhpa Pawsa Lava, AITO nata Puhpa K. Nehemia, Cameraman zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.