PRESS RELEASE

NO.149/2022

Bangalore, 15 Phiata, 2022 - Atanoh  dawh 2:00 Pm khata Berean Baptist Bible College, Richmond Town, Bangalore liata Mara Students' Organisation, Sub-headquartes : Bangalore zy ta Annual Freshers' Day cum Mara Meet 2022 amâ pachhuahpanohpa cha Puhpa K. Chhihrau, Executive Secretary, MADC ta â hmâkhei ei.

Programme he First Session liata St. H. Vahrokhai ta chhihtha ta, Rev. VBH. Sathei Thlyutha ta devotion daihti hmâh ta, St. Christian Beiiasa Syuhlo ta secretary report piena hnei ta, Ls. Lady Hillary Solo ta Finance Report piena hnei ta, Ls. LC. Siange ta  pahnie kawpa ta hlasapa ta zawpi a palôhpahawh. First Session he Bei Zisu thlahchhâna miah pachupa reihparaohpa ta daihti pachhâsapa a châ.

Second Session he St. Christian Beiiasa Syuhlo nata Ls. Bethsy Thlyutha ta chhihtha ei ta, Rev. Peter Beichatlai Beita ta devotion daihti hmâh ta, St. Beibiesa nata Ls. LC. Siange zy ta  pahnie kawpa ta hlasapa ta zawpi ama palôhpahawh. Special item nata Miss & Mister contest, etc zy chhao hneipa a châ hra.

Puhpa K. Chhihrau, Executive Secretary, MADC ta pasyunabie a reipa tlâhpi viapazy:

MSO (Sub-HQ) Bengaluru chhituhpazy khichhai laipa ta na hruatuhpa nata eima CEM zachhihpa nata a hrialȃhpazy khokheina vâta MSO Bengaluru Annual Freshers'  Meet 2022 ei zâ hlao theipa vâta eima hyutuhpa nata nâmo MSO members a parohpa nata a thiehpa zydua hnohta alynabie ei reih.

Achuhaipa hlaotloh nawpa châta peimawh kawpazy cha:-

1. Achhuahna siapa hnei a byuh (Gaol setting)

2.Tao hnolona (perseverance) hnei a byuh.

3. Khopasana (Burning desires) hnei a byuh.

Marapa phopi hawhta aduah papua nawpa ta a peimawh chaipa cha apôhkhana-chhôh lâ nata khôtho lâ liata apôhkhana he eima tei lymâ awpa a châ. Khâpa hmahta Marapa kyh eima pachâna tawhta miah pachhaih awpa châ vei.

Khazohpa nata Mararâh châta "Maraland first" ta chyu sih la, MADC Golden Jubilee kô 50-na vaw châ ha ta, Arise, Shine (Thyu la, khaih teh) MADC Motto tahpa ta Rev. R.A. Lorrain ta  chi-pho miah a tluapapua nah reikah hmâpa ta hmia tôh achhuah lymâ suh vy.

Ei châ ly kaw ei.

Programme chhâ khai tawhta aly kawpa ta kyhchhina pati dôh khohpa a châ.

ISSUED BY:

Information & Publicity Department

Mara Autonomous District Council

Siaha.