PRESS RELEASE

NO.48/2023

SIAHA, 03 Pamih, 2023, Chutynoh - Atanoh dawh 11:00 AM pa ta Thosai khih liata Siaha District Cricket Association pachhuahpanohpa 1st Executive Secretary Trophy 2023 liata Puhpa K. Chhihrau, Executive Secretary, MADC cha khichhai laipa (chief guest) châpa ta â hmâkhei ei.

Puhpa Derick Salai Solo, President, Siaha District Cricket Association (SDCA) ta programme chhihtha ta, Machâ HC. Beily, Awnano hyutuhpa, ECM Local Church, Thosai ta Abeipa lâ pavaosana daihti â hmâh. Puhpa Reuben T Kompa, Vice Presisent, SDCA ta welcome speech reina hnei ta,  Puhpa Robert S. Beihrosa, Jt. Secretary, SDCA ta report piena nata Oath taking a pahneisa ei. SDCA heta khichhai laipa Puhpa K. Chhihrau hnohta Memento ama hlâ pâ hra.

He 1st Executive Secretary Trophy 2023 (Cricket tournament) he MADC ta a sponsor pa a châ. Thosai Playground liata tournament eikha ama hneinapa a châ. Khichhai laipa Puhpa K. Chhihrau ta Ball Off a hnei khai tawhta tournament pathaopa a châ.

Puhpa K. Chhihrau, Executive Secretary, MADC ta pasyunabie a reipa tlâhpi viapazy:

He Cricket tournament heta Cricket liata hmia eima tôh via nawpa châta vaw châ sala, thyutliapazy ta Cricket liata tiama papua ta nietluana taihta hmâh thei awpa ta palôh pie khaina chôta namâ khaih lymâ awpa ta ei châ haw ei.

Discipline pha kawpa hneina chôta, India level nata khizaw level liazy taihta a kaw lâ pha awpa thyutliapazy ta achhuahna nama hnei lymâ awpa ta ei châ haw ei.

He 1st Executive Secretary Trophy 2023 (Cricket tournament) heta apôhkhana tlôkhei sala, Sports dâh nata phôh zyh lymâna chôta tiama papuapa ta namâ khaih lymâ awpa ta ei châ haw ei.

Hnatlâna châta phachaipa cha exercise la hluhpa he châ ta, cha hnaihta, mydi ta thyu patoh ta exercise zy nama la hluh via lymâ awpa a byuh. Paritheipa tawhta namâ sohsi lymâ awpa a byuh ngaita kaw. Pha kawpa ta akhaih lymâ awpa ta khokheina sâh chaipa ei cha hlâ ei.

Ei châ ly kaw ei.

Puhpa K. Chhihrau, Executive Secretary, MADC he Official lâ tawhta Puhpa Pawsa Lava, AITO nata Puhpa Michael Lalhmangaihthangzuala, Cameraman zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.