PRESS RELEASE

No.119/2020

          Atanoh târi 4th Thlazoh, 2020 zâlâ dawh 12:30Pm khata, Mara Hla nata bie liata hniehnôh a pazai kawpa, Puhpa LB. Thatlô châbu Mara Hlaphôh Bu nata Tisi Chavah Raphyu lia  tahpa châbu cha, Puhpa JH. Beihnai, S&YO nata, MWC, Siaha ta zawpi reih thei awpah ta a palâhâh.

        He châbu palâhâhna, S&YO, Sports & Youth Services Department, MADC chhôhpadâhpa liata a hmâna daihti he, Puhpa FC.Chhuasa, President, MWC, Siaha-ta chhihthapa ta, daihti pavaosana châta Pihnô N. Ngôtlai, Adviser, MWC ta thlahchhâ ta; he khai tawhta Mara Hlaphôh Bu nata Tisi Chavah Raphyu lia tahpa châbu cha Puhpa JH. Beihnai, S&YO nata MWC, Siaha ta zawpi reih thei awpah ta a palâhâh.

          Châbu palâhâhtuhpa, Puhpa JH. Beihnai, S&YO chata, Atahmâhlâ ta eima ziza atyh haipa vâta chyhsa hluh viapa hryta he châbu palâhâh theipa a châ leipa he pei tah ngaita kaw na ta; cha hawhta a châ nota, Covid-19 ziza hryta Mara Literature hmahsiena châta thapiphiatuhpazy zawhzi ta châbu papuapa a vaw châ heihpa he hmahsiena tah leithei'pah châ vei tahpa ta a reih.

          Puhpa JH. Beihnai, S&YO chata, Literature liata palôh kawh viapa phaohpa ta, hmahsiena eima hnei thei lymâ n'awpah ta thapiphia via lymâ suh vy tahpa ta he daihti a vaw hlaopazy a hrua chyu ei. Family to lia heta Mara reih chei hluh via lymâ awpah ta ei châ haw hmeiseih ei.

        Puhpa JH. Beihnai, S&YO ta tanoh ta Puhpa LB. Thatlô châbu release thiehpa he tlaw Rs.3000 mâ a chaleipa heih hra.

         Châbu palâhâhna daihti chhâna lâ liata, châbu rohtuhpa, Puhpa LB. Thatlô-ta châbu a pachhuahpanohna kyh liata alynabie reina nata, châbu a kaw pachhuahpanoh laihna dâhzy reihpa ta, rairuna â tyh daihti lia maih ta Puhpa JH. Beihnai, S&YO kaw pangai tyh ta a hlao vaw patlohpa lymâ tyh ta, a chô liata âlyzie reih ta, daihti pachhâsapa a châ.

Puhpa LB. Thatlô châbu Mara Hlaphôh Bu nata Tisi Chavah Raphyu lia Bu 1-he Rs 100/- rairie a châ. Zawpizy chalei chyu suh vy.

ISSUED BY:-

Information & Public Relations Department

Mara Autonomous District Council

Siaha.