PRESS RELEASE

NO.175/2022

SIAHA, 14 Phiapi, 2022, Hriatuanoh - Atanoh dawh 11: 30 AM pa ta MYA Multipurpose Hall, New Siaha liata  District Child Protection Unit, Siaha pachhuahpanohpa Children's Day Celebration 2022 cha Puhpa J. Vabeikiasa, EM i/c SWD, Soil & Seri, MADC cha CEM vyuhpa ta khichhai laipa (chief guest) châpa ta â hmâkhei ei.

Programme he Puhpa Teddy T. Lalnunrema, PO (NIC) ta chhihtha ta, Maj. Lalrampuia, CO, Centenary Corps, Siaha ta Abeipa lâ pavaosana devotion daihti â hmâh. Joel Public School Students zy ta opening song â ngia kawpa sa ei ta, Judy Hat Vanlalmalsawmkimi ta pahnie kawpa ta hlasapa ta zawpi a palôhpahawh ei.

Little Angels Pre-School, New Siaha, Adventist English Academy, New Siaha, Presbyterian English School, New Colony, Grace Children Home, College Vaih, Orphanage Boys' Home, ECM Vaih, ECM KHP Branch, College Vaih, T. Laldinthara nata Travis Châthâ T. Azyu zy tawhta hlasapa nata special item pha kawpazy nahthliepa a châ.

Pihnô Laltlanmawii, DCPO nata Guest of honour Puhpa VL Lura Hauzel, MPS, SP, Siaha chhaota pasyunabie pha kawpa reina a hnei hra.

Puhpa J. Vabeikiasa, EM, MADC ta pasyunabie a reipa tlâhpi viapazy:

Children's day he First Prime Minister of India Pandit Jawaharlal Nehru birthday nohta â hmâh tyhpa châ ta. He noh heta Hawti châta educational nata motivational programmes zy â hmâh tyhpa a châ.

India dâh heta hawti child abuse, Child Marriage, Child labour zy he pasaih tlâ leipa ta, he hawhpa kyh liata cha force raruahpazy ama y khiahta la, District Child Protection Unit, Siaha he pangai lymâ aw ei chi ta, nama report lymâ aw. Child trafficking zy chhao he eima râh liata a y lei nawpa ta avaih kaw awpa a byuh.

Hmialâ hmahsie lymâ awpa lia heta nâmo hawti nah liata â pahnieh ta, hlaotloh awpa ta tiama papua ta achuna lia heta palôh zydua pie khaipa ta châ namâ chu lymâ awpa a byuh.

Rairuna namâ vaw tyh daihti liata uhthei viapazy namâ saohiah laih awpa byuh ta, patuapalua thaina, patuapalua hohna hnei ta tiama kawpa nata siku hawti nama châpa pahno thlâhna chôta nata Khazoh pahnona chôta namâ chu lymâ awpa ta nata nama tiama via lymâ awpa ta khokheina ei cha hlâ ei.

Ei châ ly kaw ei.

Puhpa J. Vabeikiasa, EM, MADC he Official lâ tawhta Puhpa Pawsa Lava, AITO nata Puhpa K. Nehemia, Cameraman zy ta ama chakaochahlâh.

Isaac Lalmuanpuia, Social Worker, DCPU ta vote of thanks reina a hnei khai tawhta daihti  pachhâsapa a châ.

ISSUED BY:

Information & Publicity Department

Mara Autonomous District Council

Siaha.