PRESS RELEASE
NO.88/2024
SIAHA, 10 Phiata, 2024, Pobienoh - Atanoh 1:00PM khata Farmers' Training Hall, MADC, Siaha liata District Mental Health Programme, Siaha pachhuahpanohpa Observation of world mental health day 2024 programme ahmâhpa châ ta, Puhpa J. Vabeikiasa, Executive Member i/c Agriculture & farmers' welfare & sericulture, etc MADC cha khichhai laipa (chief guest) châpa ta â hmâkhei ei.
Programme he Pihnô Angô Chhachhai, PSW, DMHP, Siaha ta chhihtha ta, Puhpa S. Chhuakhai, Staff, Agri Dept., MADC ta Abeipa lâta pavaosana devotion daihti â hmâh. Ngôpathai Syuhlo, Sr. Artist ta hlasapa ta zawpi a palôhpahawh.
Puhpa J. Vabeikiasa, EM, MADC chata, "Observation of world mental health day 2024 programme pachhuahpanoh theipa a vaw châpa he aly’pa a châ hmeiseih," tahpa ta a reih.
"Mental health he peimawh ngâsâ ta, Office liata hrialâhpazy nahta hriaparaohna phapa hneipa he peimawh kaw ta, raihriana su liata hrialâhpazy nahta hriaparaohna phapa hnei awpa ta peimawh chaipa cha mental health a pha tua awpa a byuh," tahpa ta khichhai laipa ta a reih.
EM chata, "Hmahsiena kaw hnei lymâ awpa lia heta patuapaluana kaw hnei pha awpa he khihsana kyh liata peimawh kaw ta, hmahsiena nata patuapaluana phapa kaw hnei awpa heta, eima mental health a pha tua awpa a byuh," tahpa ta a reih.
Dr. S. Beihrokhu, MD i/c Mental Health ta pasyunabie pha kawpa reina hnei ta, hnatlâna phapa hneipa nata pôhpa pathaih kawpa ta amohôhpa ngâlâh he a dại leipa ta eima mental health chhao a pha kaw awpa a byuh, a tah. Mental health problem nama hnei khiahta la nopazasa leipa ta hospital pangai lymâ awpa ta, zawpi lâta ahawna a tao.
Merilyne MS Mawii Beiho, Psy. Nurse, DMHP ta theme presentation hnei ta, raihriana su liatazy hrialâhpazy nahta hriaparaohna phapa hnei ta, office châta hmo peimawhpazy head of department zy chho lymâ a peimawhzie reih ta, mental health problem a hneipa zy ta 14416/18008914416 (Toll Free) â call thei lymâ, tahpa ta a reih.
Puhpa J. Vabeikiasa, EM, MADC he Offical lâ tawhta Puhpa Pawsa Lava, AITO, MADC nata Puhpa K. Nehemia, Cameran zy ta ama chakaochahlâh.
Jenesy Bohia, Community Nurse ta vote of thanks reina a hnei khai tawhta Abeipa thlahchhâna (The Lord's Prayer) reihparaohpa ta daihti pachhâsapa a châ.
ISSUED BY:
Information & Publicity Department
Mara Autonomous District Council
Siaha.
Attachment
- 461924741_952503456894557_1767670415890544539_n
- 461971309_952503856894517_2939979743104039655_n
- 462258621_952503523561217_4352290796966853712_n
- 462265846_952503666894536_8469908381217292349_n
- 462366438_952503530227883_2511955942748395130_n
- 462371113_952503493561220_8137585586421484746_n
- 462442349_952503873561182_2339298595897549794_n
- 462471953_952503896894513_6759249015078365722_n
- 462586571_952503486894554_176911581279509405_n
- 462597630_952503913561178_5720711558470899004_n
- 462620014_952503676894535_809568680580595274_n
- 462634548_952503850227851_8525752628813269448_n
- 462651617_952503463561223_8761031571318467709_n
- 462770298_952503883561181_1094676311338039403_n
