PRESS RELEASE

NO.119/2022

SIAHA, 14 Thlarâh, 2022, Pakhynoh – Atanoh kha Puhpa Abraham Beirazi Khithie, Project Director (PD), District Rural Development Agency (DRDA) nata Puhpa Beimozachhi, BDO, Siaha RD Block zy ta Puhpa HC. Lalmalsawma Zasai, Hon’ble Dy. CEM, MADC, a office liata amâ pakyh.

Puhpa HC. Lalmalsawma Zasai, Dy. CEM chata “MADC Area liata Education hmahsie nawpa ta Rural Development Department nahta ahrialâh awpa apeimawhzie nata ama ry liata BADP, NREGS Scheme zy nahta ahrialâh nawpa liata kao nano nanopa liata abao tah, hriakhoh awpa peimawh kaw ta, Education hmahsie nawpa lia he ta Rural Development Scheme nano nanopazy he peimawh kaw ei ta, hrialâhna pha kawpa eima hnei khiahtala phahnaikhei kawpa ta MADC Education he siethei ta, cha châ chata hrialâh awpa ta ei cha hrua ei” a tah.

PD, DRDA Siaha, BDO, RD Block Siaha nata Dy. CEM zy apakyhna he ta MADC area liata Education châta hmahlana liata lôraohpa nata apahnothai kawpa ta hrialâhpa châ sala. Rural Development tawhta hmahsiena chi nano nanopa ama hria nawpa liata MADC Education apha kawpa ta baokhâ awpa nata lâpi amokhei lymâpa châsala tahpa ta, he apakyhna liata ama reih.

Puhpa HC. Biakcheuva, EM i/c Forest nata Puhpa FC. Rehmo, Ex-MDC, National Council Member zy ta Puhpa Lalmalsawma Zasai, Hon’ble Dy. CEM he ama chakaochahlâ.

ISSUED BY:

Information & Publicity Department

Mara Autonomous District Council

Siaha.