PRESS RELEASE

NO.96/2022

SIAHA, 22 Thlazoh, 2022, Hriatuanoh - Atamy dawh 9:30 Am pa ta Puhpa HC. Lalmalsawma Zasai, Dy. CEM i/c School Education Department, MADC ta Siaha Vaihpi UPS (Upper Primary School) tlypa ta Teacher zy apakyhna hnei.

He he Dy. CEM zachhihpa Puhpa Lalmalsawma ta 12th Term MADC liata School Education Department portfolio a vaw patu tawhta Siaha Town chhôh liata Official ta School a tly hmiatua chaipa a châ.

School angiana Gate liata Pihnô K. Zoki, Headmistress ta School liata avaw lypa ta pawpi vaw hlâ ta, Student zy ta chavei chachâh apaziahpa ta Dy. CEM zachhihpa nata a hrialâhpazy amâ vaw ly.

School Office liata apakyhna hneipa châ ta, Pihnô K. Zoki ta apakyhna chhihtha ta, Puhpa HC. Lalmalsawma Zasai nata Pihnô Nazee Khailah,   Sr. EO zy ta pachutuhpazy hnoh ta pasyuna bie pha kawpa ama reih.

Ary liata palâsapa he Puhpa HC. Lalmalsawma Zasai, Dy. CEM zachhihpa pasyuna bie a reipa tlâhpi viapazy a châ:-

1. MADC School Education Department Officers & Staff zy MADC ry liata School zy apha kawpa ta mohôhpa a châ thei nawpa ta eima theina papua lymâ achhuah pi ta, keima nata ei Department mohôhpa School Education Department liata hriapazy 12th Term MADC â vaw thao tawhta office liata y pathâ hmâ leipa ta eima theina zydua eima papua ngâhai.

2. Eima school zy a vaw pha via heih thei nawpa ta Teachers apasiepasâpazy vaw byuh tyh ta, ahyrai eima hrialâh thei khai awpa he apeimawhpa a châ; keima chhao Officers & staff ahrialâh thei leipa hnei tlâ va na; ahy rai apha kawpa ta hrialâh lymâ ei chhuah.

3. Siaha Vaihpi UPS he Town chhôh liata Official ta eima tly tua chaipa school a châ; nama school liata SMC zy hmahlana vaw pahno pi ta, miah a palysa kaw.

4. Nama school he Semi building achâ tarawpa ta a pathaih tahpa nata mohôh dâh a pha kaw tahpa thâ vaw thei tyh pi ta, chavâta, he he ei vaw tly byuh kawna chhâpa sâkha chhao a châ.

4. Siaha Vaihpi Biatuhpa MDC ta Siaha Vaihpi Bia chhôh liata Middle School y vei tahpa vaw reih ta, a y thei nawpa ta tahmâ he ano chhao ta hmah la khoh awpa ta eimâ chhuahpa a châ.

5. Siaha khih liata vaih hlôpa a châna hawhta Siaha Vaihpi & Meisavaih he ei palôh liata ei pachâ peimawh kaw tyhpa a châ. Chavâta khih/vaih hmahsie nawpa nata School zy chhao hmah a sie lymâ thei nawpa ta eima theina hawhta hmah la lymâ eimâ chhuah.

6. Elementary taihta MADC biehneina a châna hawhta MADC ry liata Elementary zydua a y thei nawpa ta Samagra kyh he pasia achhuah pi ta, SSA teacher zy hlao kyh chhao pachâ peimawh pi ta, â thei khiah MADC lâta Teacher Obsorption zy chhao hmah la laih awpa eima kho kawpa a châ.

7. Khazohpa ta chakaona rai miah pie chyu ta, Teachers, officers, Politicians etc. zy pi ta eima rai nata hmotaopa liata pahâh kawpa ta hriapa ta ngâ achhih ei suh u. 

8. Teacher zy pi, NGOs & Awnano liata ahmâh kaw sai pi ta, Teacher rai pahâh leipa ta NGOs & Awnano liata pahâh via tah, eima hria khoh via khiah eima Teacher raizy he volunteer pension ta pua awpa apha via aw.

9. Teacher zy pi ta, eima pachuna School liata eima sawnah pakiasa leipa ta School pha viapa ta eima pachâpa School hro lâ eima pakiasa tyhpa he pachâpasia awpa a y; eima sawnahzy eima pachuna School liata pakiasa ngâhna taihta pachuna rai liata tiama ei suh u.

10. Atanoh he School duahmo (building etc.) mokhei awpa nata Teacher zy duahmo mokhei awpa ta School avaw tlypa châ pi ta, MADC ta a tao theileina khô lâ cha State nata Centre sawhkhâ lâ ku eima tlôkhei lymâ aw. Chavâta Promotion, School O phapa zydua - byhnâ daotlâh châ awpa ta Pachutuhpazy ta pachuna rai kyh liata tiama papua via lymâ awpa ta ei châ haw ei.

Apakyhna daihti chhâna lâ liata Pihnô Zoki, Headmistress ta Siaha Vaihpi UPS Teachers & Students vyuhpa ta ama daihti sôh kawpa paruapa ta thapasana chô ta ama School a vaw tly tuhpa Puhpa Lalmalsawma Zasai, Dy. CEM nata a vaw zipazy hnohta alynabie a reih. 

Puhpa HC. Lalmalsawma Zasai, Dy. CEM zachhihpa he Pihnô Nazee Khailah, Sr. EO, Puhpa John Kenneth Syhly, EO, Puhpa John VT. Hniehu, AEO (MS), Puhpa Herberson Syuhlô, AEO (PS), Puhpa Beirokhu Beita, I & PO, Puhpa R. Beilochai Khithie, Inspector, Puhpa Halelui Lalhuapzaua, PA to Dy. CEM, Puhpa T. Pabua, Cameraman zy ta ama chakaochahlâ.

ISSUED BY:

Information & Publicity Department

Mara Autonomous District Council

Siaha.