PRESS RELEASE

NO.81/2022

SIAHA, 19 Khihpa, 2022, Hriaheinoh - Atanoh dawh 10:00 AM pa ta Puhpa HC. Lalmalsawma Zasai, Dy. CEM, MADC ta Dy. CEM (i/c School Education) a vaw châ tawhta a ei kha nawpa ta Siaha Samagra & DEO Office a tly.

Puhpa C. Lalbiakzauva, DEO & DPC, Samagra, Siaha nata a hrialâhpazy ta vaw deichhypa ta apahy kawpa ta avaw ly ei ta, Samagra Siaha nata DEO office liata Officers & Staff zy chhao ta BRC nata DEO office room liata apakyhna nata eima râh liata Education hmahsie nawpa kyhzy reina hneipa a châ. 

Puhpa HC. Lalmalsawma Zasai, Dy. CEM chata ano Portfolio topa School Education Department ry liata Elementary School he Samagra siepahliepa ta apha thei chaina hawhta mohôhpa a châ thei nawpa ta DPC nata a hrialâhpazy ahawna tao ta, Elementary taihta MADC biehneina a châna hawhta Samagra nata MADC he apha kawpa ta hrialâh lymâ awpa apeimawhzie a reih. He hleikhô ta NEC ry liata sôh a ypazy hia papuapa ta eima râh liata School O zy nata School châta hmahsiena a châ awpazy liata hmâpa a châ thei nawpa ta a theina zydua papua â chhuah tahpa reih ta, VC nahzy chhao ama Job Card tawhta tly ma, khitlâh hmahsie nawpa ta sôh a ypazy tawhta tlyma, eima râh School hmahsie nawpa lâ miah ama chhai thei nawpa ta ahawna tao â chhuahzie a reih hra.

Atanoh Samagra & DEO office a tlyna liata palôtlâh chhih kawpa ta amâ vaw ly hleikhô ta hmosai piepa a vaw pie tuhpa Puhpa C. Lalbiakzauva, DEO & DPC, Samagra, Siaha nata a hrialâhpazy hnoh ta Puhpa HC. Lalmalsawma Zasai, Dy. CEM ta alyabie a reih.

Puhpa Lalmalsawma he MADC official lâ tawhta Puhpa John VT. Hniehu, AEO nata Puhpa Beirôkhu Beitâ, I & PO zy ta ama chakaochahlâ.

ISSUED BY:

Information & Publicity Department

Mara Autonomous District Council

Siaha.