PRESS RELEASE

NO.178/2022

SIAHA, 17 Phiapi, 2022, Pobiehnoh - Atanoh dawh 10:00 AM pa ta Tourist Lodge, Siaha liata Puhpa HC. Lalmalsawma Zasai, Dy. CEM, Puhpa Martin Luther Nôhro, Chairman, Refugees Managing Board, MTP Gen. HQ, Siaha, Puhpa C. Mochônô, Secretary, Refugees Managing Board, MTP Gen. HQ, Siaha nata ECM HQ, Siaha chhihtuhpazy ta Rev. Lalcunglian nata a viasazy USA tawhta a vaw tlôpazy apakyhna ama hnei.

Apakyhna programme he Puhpa K. Chhihrau, Executive Secretary, MADC ta chhihtha ta, Rev. Phosa Chozah, Moderator Elect, ECM Assembly, Siaha ta Abeipa lâ pavaosana thlahchhâna a hnei.

Rev. Lalcunglian chata biereina hnei ta, MADC, NGO, Awnanopazy, Mara zawpi zydua khichha lâta chariah chi vâta azâ râpazy chô lâ liata nama phana, baokhâna nata deichhyna zydua he keimo ta cha thô thei leipaw pita, Abeipa ta byhnâ hluhpi cha pie hri mawh ei sy tahpa ta alynabie a reih.

Puhpa HC. Lalmalsawma Zasai, Dy. CEM, MADC chata  eima unawh chariah chi vâta azâ râpa hawtizy cha Indian citizens ama châ leipa vâta India sawhkhâ ta free education pie thaipa châ leipa ta, châhrasala, MADC, NGO, etc abaopasupa ta hmahla lymâ eimâ chhuah aw.

"A baokhâ rairie ta hawtizy châta amâ chuna (education) hmahsiena a y via lymâ thei nawpa ta eima thlahchhâna liata athei via lymâ sih la, hnabeidy leipa ta hriaparaoh lymâ awpa ta ei châ haw ei," tahpa ta Dy. CEM tah a reih.

Pihnô Nazaee Khaila, Sr. EO, MADC chhaota pasyunabie pha kawpa reina a hnei hra.

Puhpa C. Suihmunga ta vote of thanks reina a hnei khai tawhta Puhpa HC. Lalmalsawma Zasai, Dy. CEM ta thlahchhâna ta daihti a pachhâsa.

MADC ta lunch zy pachhuahpanoh ei ta, aly kawpa ta dôh khohpa a châ.

ISSUED BY:

Information & Publicity Department

Mara Autonomous District Council

Siaha.