PRESS RELEASE

NO.61/2022

SIAHA, 20 Chhiepa, 2022 – Atanoh dawh 11:00 AM pa ta Puhpa HC. Lalmalsawma Zasai, Dy. CEM, MADC chata Dy. CEM dyuchhai liata â vaw tyu tawhta a ei kha nawpa ta Mizoram Journalist Association (MJA), Siaha District zy, thopi do kheina a hnei.

Thopi do kheina nata apakyhna he Dy. CEM Office Chamber liata hneipa châ ta, Puhpa HC. Lalmalsawma Zasai chata MJA zy hnoh ta ama daihti sôh kawpa parua ei ta, a hruana nawh kawpa pachâ peimawhpa ta amâ vy thei vâta alynabie reih ta, MJA zy ta MADC nata Mararâh châta ama hriapasana liata alynabie a reih. 

Puhpa Lalmalsawma chata ryureina dyuchhai liata â tyu theipa cha Khazohpa ngiachhiena vâ deita a châ tahpa reih ta, Khazohpa hnoh ta alynabie a reih. 

MADC nata Mararâh hmahsie via lymâ nawpa liata Media nahzy ama peimawhzie reih ta, ama theina hawhta hmialâ keih raipa ta tiama papua via lymâ awpa ta ahawna tao ta, apeimawhna nata ângiahna liata hria lâh lymâ awpa ta hruana a tao; a ei-pachaipa ta ano portfolio a patupa School Education Department liata hmahsiena thiehpa a y thei nawpa ta Mararâh zawpizy pasopakâna nata MJA zy deichhyna â ngiah tahpa reih ta, Samagra chhao MADC ta a biehneina awpa kyh liata Mizoram sawhkhâ nahta apha kawpa ta adaoh ta, MoU zy ama roh lâh thei nawpa ta hmah la â chhuahzie a reih.

He hleikhô ta Education hmah pasiena via nawpa ta Bank Institutions, Company nata Officers zy hnohta chhao Mararâh Education hmahsie nawpa ta hmah lakhei awpa ta ahaw ta, Siaha District Education Promotion Committee zy paduapa ta NGOs, Village Councils zy nahta ahrialâh tah, eima râh Education he tao pathi â thei nahta a pangiasa vâta hmahlana siekhei ngâhaipa a châzie chhao a reih hra.

Puhpa Jeffrey Khara, Editor, Moonlight ta MJA vyuhpa ta biereina chyupa hnei ta, Puhpa HC. Lalmalsawma Zasai, Dy. CEM â lykhei zie reih ta, MJA ta ano liata hnabeiseihna lai kawpa ama hnei tahpa reih ta, School Education Department chhao, ano chhihthana ry liata hmahsiena khochhihpa a y cheingei nahta a hnabeiseihzie a reih hra.

Puhpa HC. Lalmalsawma Zasai, Dy. CEM he Puhpa Beirôkhu Beitâ, I & PO, MADC ta a chakaochahlâ.

ISSUED BY:-

Information & Publicity Department

Mara Autonomous District Council

Siaha.