PRESS RELEASE

NO.72/2022

SIAHA, 2 Khihpa, 2022, Pachynoh - Puhpa HC. Lalmalsawma Zasai, Dy. CEM, MADC ta North Eastern Council (NEC) Secretary Puhpa Moses Chala, IAS nata Dy. Secretary Puhpa L. Beimopha, IRS zy NEC Office, Shillong liata apakyhna a hnei.

NEC he the Ministry of Development of North Eastern Region (DONER), Government of India ry liata paduapa châ ta, he apakyhna liata NEC ta chi hnôhkhaw viapazy châta Project nata Scheme nano nanopa ama hneipazy nata a siezie zy ama reikhoh.

NEC heta kao nano nanopa liata chi hnôhkhaw viapazy châta Project & Scheme siekhei thei ta, vâhnei chhih kawpa ta Puhpa L. Beimopha zawhzi ta NEC tawhta Lôbô-Tluangram lâpi lai kawpazy, Siaha DC siepahliepa ta Tipa RD Block ôna chhôh liata ₹.500.00 Lakhs mâ rai hria awpa ryraona ama taopazy, Mara Chanô Py (MCHP) zy ta Handloom lâ liata hmah ama sie thei nawpa nata Tourism Develop nawpa ta Mawma Tlâh liata Project siekhei ngâhaipa zy nata siekhei amâ chhuah dâh zy NEC hyutuhpazy he ta ama vaw chho.

Puhpa HC. Lalmalsawma chata Agriculture Develop nawpa nata Forest, Sports nata LAD lâ liata hmahla awpazy, Education lâ liata Infrastructure Develop nawpa zy liata bao awpa ta ahawna tao ta, NEC hyutuhpazy he ta a lâpi nata tao nawpa dâh zy vaw pahmôpa ta aly kawpa ta apakyhna daihti ama hmâh.

Puhpa HC. Lalmalsawma ta NEC hyutuhpazy â pakyhna liana heta Shillong liata Bethany Society hyutuhpa Puhpa Ricky Renthlei nata Puhpa Roluahpuia, Associate Professor zy ta zi ei ta, Puhpa Ricky Renthlei heta MADC ry liata achuhaipazy hmâ awpa Water Filter, sâkhazie leichâ ma pie â chhuahzie Puhpa Patea Zasai he a vaw chho hra.

ISSUED BY:

Information & Publicity Department

Mara Autonomous District Council

Siaha.