PRESS RELEASE

NO.97/2022

 

SIAHA, 22 Thlazoh, 2022, Hriatuanoh - Atanoh dawh 11:00 Am pa ta Puhpa HC. Lalmalsawma Zasai, Dy. CEM, (i/c L & J etc) MADC ta Legal Awareness Programme, 2022 Subordinate District Council Court, Mara Autonomous District Council, Siaha ta apachhuapanohpa cha khichhai laipa (Chief Guest) châpa ta â hmâkhei.

 

Programme he Puhpa C. Siatha, J.O, SDCC, MADC ta chhihtha ta, Pihnô C. Ngôhlai, Office Superintendent, L&J Dept., MADC ta devotion hmâh ta, Laihsa Krismas Pawngia, L&J Dept, MADC ta khichhai laipa hnohta Sahria angia kawpa nata Pawpi sao (bouquet) a hlâ. Puhpa K. Vanlalliana, Court President & Recorder, District Council Court, MADC he Guest of Honour châ ta, Puhpa FC. Khihnia, Advocate ta Key note adress/Paper presentation a hnei. Laihsa K. Zodinpuii nata Pihnô Alfina LC Ngôpawsia zy ta hlasapa ta zawpi ama palôhpahawh. 

 

Khichhai laipa Puhpa HC. Lalmalsawma Zasai, Dy. CEM bierei tlâhpi viapazy:

 

1. Dâh nata phôh he hluh kaw ta, pahnopasia ta a hmâ na awpa ta liata eima hmâh lymâ khiahta la District Council Court, MADC chhao heta hmah eima siekhei kaw aw. Eima dâh he pha kaw hra sala, a yzie eima pahnopasia vei khiah, hmâ na awpa liata eima hmâh tlôh vei khiah yzie y vei aw.

 

2. A pahchaipa ta Town Village Councils zy châta Tlâh-aw chôchâh zy, Revenue pacheisa dâh na awpa chôchâh zy, Sahro azaopazy pacheisa dâh na awpazy, etc a hluh kaw. He zydua he hmâh phahnai nama chhuah chyu awpa ta ei châ haw ei.

 

3. District Council ta dâh eima pass hapazy he eima hmâh phahnai lymâ awpa peimawh ta, pamosa na awpa ta sanitation lia chhao heta biehneina laipi hnei pi ta, cha hawhpa liazy chata, Town Village Councils he a peimawh ngâsâ. 

 

4. Subordinate District Council Court, MADC lia heta keimo tribal nata tribal buana zydua he â pasia thei khai. Atahmâ ta eima Subordinate District Council Court hlâta pha viapa building sa awpa ta hmah eima la ngâhai.

 

5. Dâh nah phôhzy he achu hluh via lymâ sih la, hmo eima pahno hluh khiah confident hnei pi ta, hmo dopa liata eima riah chhao a pha hra aw. Y chakhyh thlâh leipa ta achu hluh ta eimâ update hluh via lymâ awpa he a peimawh ngaita kaw. Chyhsa riahphapa nata chhhituhpa (leader) phapa châ awpa ta hmo eima pahno kawh awpa a byuh.

 

6. Shillong liata Village Council biehneina a lai dâh cha O sa awpa chhaota VC asaohiah ta pasaina la tua awpa a byuh. VC ta a pasaih vei khiah O chhao sa thei'pa châ vei. O extent khohpa chhaota VC hiah tua'pa a byuh. VC ta O extent awpa a pasaih vei khiah O chhao extent theipa châ vei. Cha tlu chata VC (Village Council) biehneina a lai.

 

7. VC to heta Motor sâkha chhâ nama hnei'pa a byuh. Computer nata Printer chhao nama hnei'pa a byuh. 

 

8. Siaha District chhôh liata achuna School hmah pasiesa awpa chhaota VC (Village Council) nama peimawh kaw. Nama area chhôh liata pachutuhpazy school ama kiah pha ma, pachutuhpa hry liata sahma doh ta pachuna papeimawhsa leipa ama y ma, etc tahpazy eima hriaparaoh awpa a byuh. Education Department, MADC Officer ngâlâh ta school to liata pachutuhpa check tiah vei. VC zy nata eimâ baopasu awpa a byuh. Khitlâh pha na awpa kyh lia heta VC zy nama maophaohna â sâh kaw.

 

VC zy ta tiama papuapa ta School O Râhvâ  sai-ie ta a pyu hapa zy, dyuchhai hmâtlâh châ khao leipa, taopathi awpa zy, etc tao awpa ta VC zy ta Job Card nohkha thazy hmâhpa ta hmahla u la, eima râh cha thata hmahsiena a y aw. School Bench tao awpa ta nohkha tha thyu awpa ta tlâhraizy hriapa châ sala vaih kyhpachâna nata hmahsiena a y via lymâ aw. Sawhkhâ lia ngâlâh apahniehpa hlâta cha sawhkhâ ta tao tiah vei. Vaihchhôh ky eima pachâ kaw awpa a byuh.

 

Ei châ ly kaw ei.

 

He programme lia heta Siaha Town Village Councils nata Court Members zy amâ hlao hra. Presentation to invitees he Pihnô Ngôzapaw, Peshkar, SDCC ta hnei ta, Puhpa H. Vabeikhai, Record Keeper, District Council Court, MADC ta vote of thanks reina hnei ta, daihti pachhâsapa a châ.

 

Puhpa HC. Lalmalsawma Zasai, Dy. CEM he MADC official lâ tawhta Puhpa John VT. Hniehu, AEO, Puhpa Pawsa Lava, AITO nata Puhpa KT. Beimokhai, C/Operator zy ta ama chakaochahlâh.

 

ISSUED BY:

Information & Publicity Department

Mara Autonomous District Council

Siaha.