PRESS RELEASE

NO.104/2022

SIAHA, 30 Thlazoh, 2022, Hriaheinoh - Atanoh dawh 10:00 Am pa ta Puhpa HC. Lalmalsawma Zasai, Dy. CEM i/c School Education Department, MADC ta Government Comprehensive Elementary School, New Colony, Siaha nata Auxilium Middle School, Siaha tlypa ta Teacher zy apakyhna a hnei. Government Comprehensive Elementary School, New Colony, Siaha ta Puhpa HC. Lalmalsawma Zasai, Dy. CEM he ama School tly awpa ta vaw hrua ei ta, cha vâta a tlypa ei a châ. Gov't Comprehensive Elementary School a tly pâ ta Auxilium Middle School chhao a tly pâ hra.

Puhpa HC. Lalmalsawma Zasai, Dy. CEM zachhihpa pasyuna bie a reipa tlâhpi viapazy  cha:-

1. School hawtizy Mara reih a thai leipazy kha Mara reih thai namâ chhuah chyu awpa ta ei châ haw ei. A feeling nazie ta a sie na tah leipa u la, Mara râh liata nama y vâta Mara reih thai namâ vaw chhuah chyu awpa ta ei châ haw ei.

2. Education he cha eima râh châta peimawh tu ha ta, eima râh Pillar châ ta, ei palôh eina hria chaipa cha he Gov't Comprehensive Elementary School liata nama saw nah nama pakiasapa ei pahno nahta, avaw ly ngaita kaw na ta, he school liata a hriatuhpazy ta he school liata ama saw nah ama pakiasa khiahta cha he school cha school phapa a châ tahpa ei reih khoh. 

3. He school lia heta political colour khâpahmâh a ypa châ vei. Ei lahpinô chhao pachutuhpa châ ta, Education Department, MADC lâ tawhta Officer zy ta eima nô school ama tly tita, report pie awpa pha leipa a y khiahta cha na vaw chho ei chi ta, âchâh rai rai va na. School liata headmaster eima sopa nah he ngâ kaw sai pi ta, headmaster ta pachutuhpazy ama y dâh ado leipa ama vaw report khiah a chatliena lâ ta action eima vaw la lymâ aw.

4. Pachutuhpa hry liata Mara reih thai leipa nama y pathlei khiahta cha thai avaw chhuah tuh u. Mara râh lia y ei chi ta, Mara reih nama thaipa a byuh. Zakhei tahpa reikah he kei la ei khoh lei kaw. Marapa châ pita khazia eima zakhei ngâ kaw aw. Za pih chanei heih sala Mara pyly na ei châ  aw. Cha hnaihta, eima zakhei raipa châ vei. Zakhei tahpa reikah chhao hmâh khaopa châ hra vei. Council liata rai vaw la   sih la Mara reih nama thai vei khiah nama tla khai thlâh ha aw.

5. Nama school liata decipline nama maintain pa he avaw ly kaw na ta, vaw smart kaw sai ei chi ta, nama yna liata palôh nama patlâhsa awpa he peimawh kaw ta, nama yna, raihriana liata nama palôh a tlâh khiahta cha aly kawpa ta pachu thei ei chi ta, palôhtlâh kawpa nata tiama kawpa ta nama hria lymâ thei aw. He ei yna su he Khazohpa ta ei y nawpa su châta a raopa châ ta, ei chakaona na a châ e tahpa palôh nama hnei khiahta cha, hro aly kawpa ta tiama kawpa ta pachu ei chi ta, hmahsiena chhao a y lymâ aw. Nama yna liata nama palôh a tlâh vei khiahta la, chyhsa phahnaipa châ thei vei chi. Cha cha Khazoh bie chhao a châ.

6. Gov't Comprehensive Elementary School Principal Pihnô H.C. Ngopaw (Venus Nô) ta na chho ta, ei ly kawpa cha nama school liata hawtizy châbu chalei nawpa a hnei leipa nata school uniform chalei nawpa a hnei leipazy nâmo ta vaw chaleipa ei chi ta ei châ ly ngâsâ ei. Amopâtlâh nama châ hmeiseih.

7. Shillong liata eima y nota la, Hmar nahzy, Mizo nahzy ta thlahpa chyhsa ama thlie dâh cha rai liata ngâchhih kawpa ta a hriapa zy, sôh nah thih liata ngâchhih kawpazy hena thlahpa chyhsa ama tahpa cha a châ.

Ei châ ly kaw ei.

Puhpa HC. Lalmalsawma Zasai, Dy. CEM zachhihpa he Official lâ tawhta Puhpa John Kenneth Syhly, EO, Puhpa John VT. Hniehu, AEO (MS), Puhpa Herbertson Syuhlô, AEO (PS), Puhpa John Chozah, CEO, Puhpa HC. Zodingliana, PEO, Puhpa David K. Azyu AHPO, Puhpa Pawsa Lava, AITO, Puhpa Halelui Lalhuapzaua, PA to Dy. CEM nata Puhpa T. Pabua, Cameraman zy ta ama chakaochahlâh.

ISSUED BY:

Information & Publicity Department

Mara Autonomous District Council

Siaha.